«Ile-Balqash» memlekettik tabıǵı rezervatynyń málimetinshe, ınspektorlar 18 qarasha saǵat 22:45-te Mitsubishi Pajero avtokóligin toqtatqan. Nátıjesinde rezervat aýmaǵynda zańsyz ań aýlaǵan Almaty qalasy men Almaty oblysynyń eki turǵyny ustaldy, dep jazady Egemen.kz.
– Avtokólikten 1 dana sham men 12 kalıbrli ańshylyq qarý jáne atylǵan 13 qoıan tabyldy. Balqash aýdandyq polısııa basqarmasy QR Qylmystyq kodeksiniń 337-babynyń 4-bóligi boıynsha (zańsyz ań aýlaý) qylmystyq is qozǵady, – dep habarlady rezervat.
Aldyn ala derekter boıynsha janýarlar dúnıesine keltirilgen zalal 766 740 teńgege jetken. Kúdiktiler kiná dáleldense, 7 jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, 6 jylǵa deıingi merzimge bas bostandyǵynan aıyrylýy múmkin.