Bas prokýratýraǵa qarasty qylmystyq qaýip-qater men qoǵamdyq qaýipsizdik táýekelderin boljaý ortalyǵy iPhone ıelerine kıberqaýiptiń kúsheıgenin habarlady, dep jazady Egemen.kz.
Sheteldik arnaıy resýrstardyń derekterine súıensek, alaıaqtar Apple kompanııasynyń atynan jalǵan SMS nemese iMessage joldaıdy. Habarlamada tabylǵan iPhone-nyń modeli, túsi jáne jady kólemi kórsetilip, fıshıngtik silteme birge jiberiledi. Aqparat shynaıy sııaqty kóriný úshin vızýaldy resimdeýi de Apple habarlamasyna uqsastyrylǵan.
Alaıaqtardyń maqsaty – qoldanýshyny silteme arqyly ótip, Apple Find My qyzmetine uqsas jalǵan paraqshaǵa kirgizý. Sol jerde engizilgen Apple ID logıni men qupııasózi birden qaskóılerdiń qolyna túsedi. Bul olar úshin qurylǵy qulpyn aınalyp ótýge, telefonǵa ǵana emes, ıesiniń jeke málimetterine de qol jetkizýge jol ashady.
Qaýiptiń keń tarala bastaǵanyn eskergen komıtet azamattarǵa kıberqaýipsizdik talaptaryn qatań saqtaýdy usynady:
kúmándi siltemelerge ótpeý;
joǵalǵan telefonnyń qulyptaý ekranynda kórsetiletin baılanys úshin jeke bólek elektrondy posha paıdalaný;
SIM-kartany mindetti túrde PIN-kodpen qorǵaý;
qurylǵyny tek resmı icloud.com/find servısi arqyly ǵana tekserý.
Quzyrly organ azamattardy saq bolýǵa jáne ınternettegi kúdikti mazmundarǵa beıqam qaramaýǵa shaqyrady.