Memleket basshysy Qazaqstan men Túrikmenstan Úkimetteri arasyndaǵy qylmysqa qarsy kúrestegi yntymaqtastyq týraly kelisimdi ratıfıkasııalaıtyn zańǵa qol qoıdy. Qujat eki eldiń quqyq qorǵaý organdary arasyndaǵy aqparat almasýdy, birlesken tergeý sharalaryn jáne transulttyq qylmysqa qarsy is-qımyldy kúsheıtýdi kózdeıdi, dep jazady Egemen.kz.
Sondaı-aq uıymdasqan qylmys, ekstremızm, zańsyz kóshi-qon, esirtki aınalymy jáne basqa da qylmystyq qaýipterge qarsy ortaq mehanızmderdi jetildirýge múmkindik beredi.
Zańnyń qabyldanýy Qazaqstan men Túrikmenstan arasyndaǵy qaýipsizdik salasyndaǵy ózara is-qımyldy jańa deńgeıge shyǵaryp, óńirlik turaqtylyqty nyǵaıtýǵa baǵyttalǵan mańyzdy qadam bolyp sanalady.