«Qazgıdromet» sınoptıkteriniń málimetinshe, aldaǵy kúnderi Qazaqstannyń basym bóliginde aýa raıy qubylmaly bolady, dep habarlaıdy Egemen.kz.
Atmosferalyq fronttardyń ótýine baılanysty jańbyr men qar jaýady, al soltústik, shyǵys jáne ortalyq óńirlerde jaıaý burqasyn men kóktaıǵaq kútiledi.
Tek batys pen ońtústik-shyǵys aımaqtary antısıklon jotasynyń yqpalynda bolady, munda jaýyn-shashynsyz, qurǵaq aýa raıy boljanǵan.
Temperatýralyq fon da ózgeredi: soltústikte sál jylynyp, túnde 0…–8 gradýs, kúndiz 0…+5 gradýsqa deıin kóteriledi.
Ońtústik-shyǵysta kúndiz birtindep +3…+11 gradýsqa deıin salqyndaıdy, taýly aımaqtarda 0…–5 gradýs shamasynda bolady. Eldiń basqa óńirlerinde aýa temperatýrasy aıtarlyqtaı ózgermeıdi.