ASTANA. 9 mamyr. Kaır soty Egıpettiń burynǵy prezıdenti Hosnı Mýbarakty ózgeniń múlkin jymqyrǵany úshin 3 jylǵa sottady. Atalǵan qylmystyq istiń aıasynda onyń uldary Alıa men Gamal da dál osyndaı ýaqytqa túrmege jabyldy. Bul týraly lenta.ru habarlady.
Olar memleket qazynasynan 100 myń egıpet fýntyn (13 myń AQSh dollary) urlaǵany úshin aıypty dep tabyldy. Bul qarjy prezıdent saraıyn qaıta óńdeýge jumsalǵan.
О́tken jyldyń mamyrynda aıyptylar dál osyǵan uqsas qylmystary úshin 3 jylǵa bas bostandyǵynan aıyrylǵan edi. Alaıda, apellıasııalyq sot keıin úkimdi ózgertip, isti qaıta qaraýǵa jiberdi.
Osy jyldyń sáýir aıynda buqaralyq aqparat quraldary 88 jastaǵy Hosnı Mýbaraktyń ólimi jaıynda habarlaǵan edi. Desek te, burynǵy prezıdenttiń qorǵaýshysy bul aqparatty teriske shyǵardy.
2014 jyly qarashada sot Mýbarak pen onyń uldaryn sherýshilerdiń ólimine qatysty dep tapty. Bul sherýshiler 2011 jyly Kaırda bolǵan qarsylyq aksııasyna qatysqan edi.
Egıpetti 30 jyl basqarǵan Hosnı Mýbarak 2011 jyly aqpan aıyndaǵy jappaı kóterilisten keıin taqtan túskeni belgili. Kóp uzamaı saıasatker tutqynǵa alynyp, onyń ústinen jemqorlyq, bılikti asyra paıdalaný jáne manıfestanttardy óltirdi degen aıyptar taǵyldy.
Elaman Qońyr.
Derek: lenta.ru.
Sýret: reuters.com.