AQSh-ta 80 jastaǵy Natalı Grebo álemdegi eń qıyn kópsaıystardyń biri sanalatyn «Ironman 140.6» jarysyn tolyq aıaqtaǵan eń egde jastaǵy áıel atandy.
Ol 3,9 km júzý, 180 km velojarys jáne 42 km marafonnan turatyn qashyqtyqty 16 saǵat 45 mınýt 26 sekýndta eńserip, buryn-sońdy bolmaǵan rekord ornatty. Natalı jastaıynan sportqa kásibı túrde den qoımaǵanymen, 30 jasynda júgirýdi bastap, 40-50 jasynda jartylaı marafondarǵa qatysqan. Gavaı araldaryndaǵy bıylǵy chempıonat – onyń sporttyq jolyndaǵy eń bıik beles. Osyǵan deıin 78 jastan asqandar arasynda eshkim mundaı qashyqtyqty baǵyndyra almaǵan edi.