Tehnologııa adamnyń turmysyn jeńildetip qana qoımaı, densaýlyǵyna da tikeleı qyzmet ete bastady. Buǵan jańa shyqqan «AirPosture» qosymshasy dálel.
Qytaılyq zertteýshi Allen Lı oılap tapqan bul sheshim – qulaqqap arqyly arqańyzdy tik ustaýǵa kómektesetin naǵyz «aqyldy nusqaýlyq». Qosymsha sizdiń moıyn men arqa tusyńyzdyń qozǵalysyn naqty ýaqyt rejiminde ólshep otyrady. Únemi eńkeıip ketýge beıim bolsańyz, qulaqqap birden dybystyq belgi beredi. Jasandy ıntellekt ár qoldanýshyǵa jeke usynystar aıtyp, arqa bulshyq etterin jaqsartýǵa kómektesedi. Atalǵan tehnologııa «App Store» dúkeninde osy jyldyń sońyna deıin qoljetimdi bolmaq.