2015 jylǵy 30 qańtar, Astana qalasy
Týrızm salasyndaǵy mamandardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptardy aıqyndaý týraly
«Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasy Zańynyń 11-baby 20-2) tarmaqshasyna sáıkes buıyramyn:
1. Qosa usynylǵan týrızm salasyndaǵy mamandardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptar bekitilsin.
2. Qazaqstan Respýblıkasy Investısııalar jáne damý mınıstrliginiń Týrızm ındýstrııasy departamenti:
1) osy buıryqty Qazaqstan Respýblıkasy Ádilet mınıstrliginde zańnamamen belgilengen tártipte memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń
Investısııalar jáne damý mınıstri Á.ISEKEShEV.
«KELISILDI»
Qazaqstan Respýblıkasynyń
Bilim jáne ǵylym mınıstri
_________________ A.SÁRINJIPOV.
2015 jylǵy 2 aqpan
«KELISILDI»
Qazaqstan Respýblıkasynyń
Densaýlyq saqtaý jáne
áleýmettik damý mınıstri
_________________ T.DÚISENOVA.
2015 jylǵy 12 aqpan
Qazaqstan Respýblıkasy Investısııalar jáne damý mınıstriniń
2015 jylǵy 30 qańtardaǵy №78 buıryǵymen bekitilgen
Týrızm salasyndaǵy mamandardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptar
Týrızm salasyndaǵy mamandardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptar mynalardyń:
1) uıymnyń Jarǵysynda (Erejesinde) qyzmetkerlerdi kásiptik daıarlaýdy, qaıta daıarlaýdy jáne olardyń biliktiligin arttyrýdy tikeleı júrgizetin uıymdar úshin kadrlardy kásiptik daıarlaý, qaıta daıarlaý jáne olardyń biliktiligin arttyrý jónindegi normanyń;
2) kadrlardy kásiptik daıarlaý, qaıta daıarlaý jáne olardyń biliktiligin arttyrý jónindegi jumys oqý josparlarynyń jáne baǵdarlamalarynyń;
3) tıisti kásipter (mamandyqtar) boıynsha oqýlyqtar men oqý-ádistemelik keshenderiniń;
4) oqytý shartynyń (jumys berýshi men oqýshy arasynda tikeleı uıymdarda kásiptik daıarlaý, qaıta daıarlaý jáne olardyń biliktiligin arttyrý sharttary týraly jazbasha kelisimniń) nemese bilim berý qyzmetin kórsetý týraly sharttyń (jumys berýshi men tehnıkalyq jáne kásiptik, orta bilimnen keıingi bilim, joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymy arasyndaǵy kásiptik daıarlaý, qaıta daıarlaý jáne olardyń biliktiligin arttyrý sharttary týraly jazbasha kelisimniń) bolýyn qamtıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 19 naýryzda Normatıvtik quqyqtyq kesimderdi memlekettik tirkeýdiń tizilimine №10500 bolyp engizildi.