B.B.Atamqulovty Ońtústik Qazaqstan oblysynyń ákimi qyzmetine taǵaıyndaý týraly
Beıbit Bákiruly Atamqulov Ońtústik Qazaqstan oblysynyń ákimi bolyp taǵaıyndalsyn.
Qazaqstan Respýblıkasynyń Prezıdenti N.NAZARBAEV
Astana, Aqorda, 2015 jylǵy 8 tamyz. № 62
Beıbit Bákiruly ATAMQULOV
1964 jyly týǵan. V.I.Lenın atyndaǵy Qazaq polıtehnıkalyq ınstıtýtyn, Sankt-Peterbýrg memlekettik ekonomıka jáne qarjy ýnıversıtetin bitirgen. Ekonomıka ǵylymdarynyń kandıdaty.
Eńbek jolyn Norılsk taý-ken metallýrgııa kombınatynyń (KSRO) mys qorytatyn zaýytynda balqytýshy bolyp bastady, 1985-1991 jyldary Shymkent qorǵasyn zaýytynda metall balqytýshy, aýysym sheberi, ınjener-tehnolog, jetekshi ınjener bolyp jumys istedi. 1991-2006 jyldar aralyǵynda kommersııalyq qurylymdarda basshylyq qyzmetter atqardy.
2006-2012 jyldary dıplomatııalyq qyzmette boldy. Qazaqstan Respýblıkasynyń Malaızııadaǵy Tótenshe jáne ókiletti elshisi, Qazaqstan Respýblıkasynyń Indonezııa Respýblıkasyndaǵy, Brýneı-Darýssalamdaǵy, Fılıppın Respýblıkasyndaǵy Tótenshe jáne ókiletti elshisi mindetin qosa atqarýshy bolyp taǵaıyndalǵan.
2012 jylǵy qazannan Qazaqstan Respýblıkasy Indýstrııa jáne jańa tehnologııalar mınıstrliginiń jaýapty hatshysy boldy.
2014 jylǵy tamyzdan – Qazaqstan Respýblıkasy Investısııalar jáne damý mınıstrliginiń jaýapty hatshysy.