Ulttyq jobanyń ıgiligi

Almaty qalasynda «Keleshek mektepteri» ulttyq jobasy aıasynda 21 zamanaýı oqý orda­synyń qurylysy kózdelgen. Onyń ishinde 13 mektep – «Samruk-Kazyna Construction» AQ basqarýymen, al qalǵan 8 mektep – qala ákimdigi tarapynan memleket-jekemenshik áriptestik jáne daıyn nysandy satyp alý mehanızmderi boıynsha salynyp jatyr.

«Samruk-Kazyna Construction» AQ bas­qa­rýymen salynǵan barlyq 13 mekteptiń qurylys-montaj jumysy tolyq kólemde aıaqtaldy. О́tken 29 tamyzda soń­ǵy nysannyń paıdalanýǵa berý aktisi tir­keldi. Osylaısha, barlyq 13 mektep iske qosý aktilerimen jańa oqý jylyna deıin Almaty qalalyq ákimdiginiń balansyna resmı túrde ótkizildi», dedi Máýlen Aı­manbetov.

Endi Almatyda qurylysy aıaqtalǵan mektepterdiń tizimine keleıik. Olar: №97 mektep, 600 oryn — Áýezov aýdany, 1-shaǵynaýdan (10 jeltoqsan 2024 j.), №217 mektep, 2000 oryn — Alataý aýda­ny, «Samǵaý» sh/a (26 aqpan 2025 j.), №218 mektep, 2000 oryn — Alataý aýdany, «Qarasý» sh/a (20 aqpan 2025 j.), №215 mektep, 1500 oryn — Bostandyq aýdany, Rozybakıev–Levıtan kósh. qıylysy (28 shilde 2025 j.), №154 mektep, 1500 oryn — Alataý aýdany, «Aqbulaq» sh/a (31 shilde 2025 j.), №214 mektep, 1500 oryn — Naýryzbaı aýdany, Raıymbek dańǵ. («Nurly dala» TK aýdany) (2 mamyr 2025 j.), №213 mektep, 2000 oryn — Alataý aýdany, «Terekti» sh/a (21 aqpan 2025 j.), №216 mektep, 1500 oryn – Almaly aýda­ny, Raıymbek dańǵ. 210 (2 mamyr 2025 j.), №219 mektep, 1500 oryn – Naýryzbaı aýda­ny, «Quramys» sh/a (27 tamyz 2025 j.), №220 mektep, 2000 oryn – Medeý aýda­ny, Kóldijın tas joly, «Aport» SOO mańy (29 tamyz 2025 j.), №222 mektep, 2000 oryn – Alataý aýdany, T.Rysqulov – S.Áshimov kósh. qıylysy (29 tamyz 2025 j.), №221 mektep, 2500 oryn – Naýryzbaı aýdany, «Shuǵyla» sh/a (29 tamyz 2025 j.), №224 mektep, 2500 oryn – Bostandyq aýda­ny, Egizbaeva kósh., 9 (29 tamyz 2025 j.).

Basqarma tóraǵasynyń sózine zer salsaq, №97 jáne №154 mektep burynǵy apatty jaǵdaıdaǵy ǵımarat ornyna salynǵan. Eski nysandar tolyq buzylyp, olardyń ornyna jańa, jaıly jáne qaýipsiz bilim ordasy boı kóterdi.

«Biryńǵaı operatordyń basqarýymen el tarıhynda alǵash ret árqaısysy 2500 oryndyq 2 iri mektep salynyp, paıdalanýǵa berildi. Bul – tek Almatyda ǵana emes, búkil elimizdegi eń úlken oqý ordalary. 2500 oryndyq mektepterdi salýdyń normatıvtik merzimi 28 aı bolsa, biz olardy 22 aıda aıaqtadyq», dedi kompanııa basshysy.

Al 2000 oryndyq mektepterdiń normatıvtik merzimi 26 aı bolsa, olar 18 aıda salynǵan. Barlyq nysan belgilengen merzimnen buryn tapsyryldy.

Máýlen Aımanbetovtiń aıtýynsha, «Keleshek mektepteri» ulttyq jobasy bekitilgen kestege jáne sapa talaptaryna saı júzege asyp jatyr. Almatydan bólek, qurylys jumystary 10 óńirde tolyqtaı aıaqtalǵan.

О́ńir

Keleshek mektepteriniń sany

Oqýshy oryndary

Almaty

13 mektep

23 100 oryn

ShQO

7 mektep

3000 oryn

SQO

2 mektep

1200 oryn

Pavlodar oblysy

2 mektep

1800 oryn

Qyzylorda oblysy

10 mektep

6900 oryn

Mańǵystaý oblysy

13 mektep

12 600 oryn

Jambyl oblysy

7 mektep

6200 oryn

Aqmola oblysy

9 mektep

12 200 oryn

Shymkent

12 mektep

17 300 oryn

Ulytaý oblysy

1 mektep

300 oryn

Jetisý oblysy

2 mektep

1800 oryn

 

Sondaı-aq Astana qalasynda da ulttyq jobany iske asyrý támamdalýǵa jaqyn. Josparlanǵan 22 mekteptiń 21-inde (39 200 oryndyq) qurylys jumysy aıaqtaldy. 2000 oryndyq bir nysan jaqynda paıdalanýǵa beril­mek.

Búgingi tańda respýblıka boıynsha josparlanǵan 217 300 oryndyq 208 mekteptiń 187-sinde qurylys jumysy aıaqtaldy. Qalǵan 21 mekteptiń qurylys-montajdaý jumystary bıylǵy jyl sońyna deıin óz máresine jetedi. Mer­zimderdiń saqtalýy, oryndalý sapasynyń joǵary bolýy, qarajatty tıimdi ári únemdi paıdalaný biryńǵaı operator jumysynyń nátıjeliligin dáleldeıdi», dedi «Samruk-Kazyna Construction» AQ basqarma tóraǵasy.

 

Azamat QUSAIYN