«Halyq teatry» atandy

Bul – on bes jyldyq tarıhy bar óner osha­ǵynyń shyǵarma­shy­lyq eńbeginiń nátıjesi.

«Muny ujym eńbeginiń baǵalanǵany dep bilemiz. Bir jaǵynan, jastarǵa tyń serpin beredi. Shyǵarmashylyqqa jańa jol ashady. Eń bastysy, teatrymyzdyń kásibı deńgeıi memleket tarapynan moıyndalyp otyr. Endi óner ordasynyń respýblıkalyq deńgeıde tany­maldylyǵy artady dep sene­miz», deıdi teatr rejısseri Baǵdat Áshim.

Teatr ataýy «Shańyraq» dep beker qoıylmaǵan. Eýra­zııa ulttyq ýnıversıteti áleý­mettik jáne azamattyq damý departamentiniń dırektory Jambyl Tileptiń aıtýyna qaraǵanda, «shańyraq» – qazaq úshin qasterli uǵym. О́nerge qushtar jastar osy shańyraqtyń ýyǵyndaı birigip, ulttyq qundylyqtardy dárip­teýdi maqsat etken.

О́ner ujymynyń repertýa­rynda otandyq dramatýrgtermen birge, shetel avtorlarynyń da shyǵarmalary bar. Máselen, S.Júnisovtiń «Jaraly gúl­der», M.Baıjıevtiń «Til tabys­qandar», Á.Orazbekovtiń «Bir túp alma aǵashy», M.La­donyń «Bolmaǵan oqıǵa», M.Sha­ha­novtyń «Tanakóz», J.Ju­mat­tyń «Muńmen alysqan adam» (aǵylshyn tilinde), Q.Jú­ni­sov­tiń «Ǵashyqtar hıkaıasy» sekildi qoıylymdar kórermen yqylasyna bólengen.

Sondaı-aq teatr qalalyq, respýblıkalyq, ha­lyq­­aralyq festıval­darǵa qatysyp, bir­qatar júldeli oryndarǵa qol jetkiz­gen. Aıtalyq, Semeı­de ótken respýblıkalyq stýdent­tik teatr festıvalinde II oryn ıelense, Ázerbaıjanda ót­ken «Kaspııskıı brız» III halyq­aralyq táýelsiz teatr­lar baıqaýynda bas júldeni je­ńip alǵan.