Astananyń sol jaǵalaýyndaǵy qurylys alańynda 41 jastaǵy jumysshy bıikten qulap, alǵan jaraqatynan oqıǵa ornynda kóz jumdy. Polısııa oqıǵanyń mán-jaıyn anyqtaý úshin tergeý júrgizip jatyr, dep habarlaıdy Egemen.kz.
Qaıǵyly oqıǵa 14 jeltoqsanda jóndeý jumystaryn júrgizý kezinde bolǵan.
«Qurylys alańynda qaýipsizdik erejelerin saqtamaý faktisi boıynsha sotqa deıingi tergeý bastaldy. Tergeý barysynda oqıǵanyń tolyq mán-jaıy anyqtalady», dep habarlady qalalyq polısııa departamentiniń baspasóz qyzmeti.
Buǵan deıin Petropavlda kótergish qurylǵyda jumys istep jatqan eki maman bıikten qulap, 35 jastaǵy jumysshy oqıǵa ornynda kóz jumǵan edi. Ekinshi azamat túrli jaraqat alyp, aýrýhanaǵa jiberilgen.