Qarjy vıse-mınıstri Erjan Birjanov 2026 jyldan bastap jeke tulǵalardyń mobıldi aýdarymdary qandaı jaǵdaıda salyqtyq baqylaýǵa ilinýi múmkin ekenin túsindirdi, dep habarlaıdy Egemen.kz.
«Eger úsh aı qatarynan jeke tulǵanyń bank kartasyna 100 túrli adamnan aqsha aýdarymdary tússe tulǵa salyq baqylaýyna alynady. Eger osy úsh aıdyń ishinde 100 túrli adamnan aýdarym túsip, sonymen qatar bul aýdarymdardyń jalpy somasy 1 mıllıon teńgeden assa ǵana salyqtyq baqylaýǵa alynady», dedi Birjanov.
Onyń aıtýynsha, bul krıterıılerdiń eshqaısysy jeke-jeke negiz bolyp sanalmaıdy, olardyń barlyǵy bir mezgilde sáıkes kelýi tıis.
Vıse-mınıstrdiń túsindirýinshe, ekinshi deńgeıli bankter mundaı aqparatty fıskaldyq baqylaý aıasynda ýákiletti organdarǵa joldaıdy. Alaıda esepshottardy buǵattalmaıdy.
«Ekinshi deńgeıli bankter bul derekterdi fıskaldyq baqylaý úshin usynady. Jeke tulǵalardyń esepshottary jabylmaıdy. Biz tek anyqtalǵan sáıkessizdikter boıynsha habarlama jiberemiz, sodan keıin ony jeke kásipker retinde tirkeý qajettiligi bar-joǵyn anyqtaımyz. Mysaly, bul qaıyrymdylyq aýdarymdary bolýy múmkin – munyń bári eskeriledi. Esepshottardy avtomatty túrde jabý kózdelmegen», dep atap ótti ol.
Aıta keteıik, 1 qańtardan bastap Qazaqstanda jańartylǵan Salyq kodeksi kúshine enedi. Qujat bıznes jumysyna eleýli ózgerister engizýdi kózdep otyr.