Tıimdiligi joǵary startaptar

Baǵdarlamaǵa IT-qaýym­dastyq joǵary qyzy­ǵýshylyq tanytty. Bar­lyǵy 160 ótinim qabylda­nyp, irikteý nátıjesinde 21 joba baǵdarlamaǵa ótken edi, al 13 startap «Demo Day» aıasynda qalanyń naqty mindetterine beıimdelgen qanatqaqty jobalaryn tanystyrdy. Nátıjesin­de, áleýeti joǵary 8 startap SAFE kelisimderi sheńberinde 5 mln teńgelik qarjylaı qol­­daýǵa ıe boldy. Olardyń qata­rynda «OTA», «OQ.AI», «Artisan Education», «Soyleseiyk», «Dronly», «Aman», «Ascle» jáne «U-Drone» startaptary bar.

«Mundaı bastamalar elorda­nyń naqty máselelerin sheship, turǵyndardyń ómir sapasyn arttyrýǵa baǵyttalǵan. Byltyr akseleratordyń alǵashqy legi startaptardyń jemisti nátıjesin kórsetip, birqatar sheshim qala­lyq qyzmetke engizildi. Bıyl jasandy ıntellektini qoldanýǵa erekshe mán berip, qalanyń negizgi baǵyttarynyń tıimdiligin arttyrýǵa jańa qadam jasadyq. Biz yntymaqtastyqqa ashyqpyz, startaptarǵa qoldaý kórsetýge árqashan daıynbyz», dedi «Astana Innovations» AQ basqarma tóraǵa­sy Ǵızat Ámirǵalı.

Túsindire keteıik, akselerator degenimiz – startaptardy qysqa merzimde shıratyp, ıdeıasyn naqty ónimge aınaldyryp, ony praktıkada synap kórýge kómektesetin arnaıy baǵdarlama. Eń bastysy, startap óz sheshimin qaǵaz júzinde ǵana emes, naqty ortada iske qosyp, tıimdiligin dáleldese, keıin naryqqa engizilýi múmkin.

«Demo Day» is-sharasyndaǵy úzdik jobalarǵa toqtalsaq, 13 star­tap qaýipsizdik, densaýlyq saqtaý, bilim, týrızm jáne qala­lyq servısterdi damytý sekildi salalardy qamtydy.

«U-Drone» startapy jol-kólik oqıǵalaryn dron arqyly jedel tirkep, keptelisti azaıtýǵa baǵyttalǵan sıfrlyq sheshim usyndy. Iаǵnı apat týraly habar túsken sátte dron oqıǵa orny­na jedel baryp, aýmaqty áýe­den tolyq túsiredi, derekter 3D-shemaǵa aınalyp, hattama men qajetti qujattar avto­­matty túrde qalyptasyp, bir­­den polısııa júıesine jiberi­ledi. Osylaısha, apattardy resimdeý birneshe saǵatqa sozylmaı, 20–30 mınýtta aıaqtalyp, kólikterdi joldan der kezinde alyp tastaýǵa bolady. Joba «Astana Innovations Accelerator» aıasynda Astana qalasynyń polısııa departamentimen, sondaı-aq «Kazakhtelecom», «KazGIDromet» sekildi uıymdarmen birlesip synaqtan ótip, 3D-shemalardyń dáldigi men sıfrlyq fıksasııa­nyń tehnıkalyq jáne quqyqtyq turǵyda qoldanýǵa jaramdy ekenin kórsetken.

«AMAN» startapy balalar qaýipsizdigin táýlik boıy baqylap, býllıng pen psıhologııalyq qysymdy erte anyqtaýǵa baǵyt­talǵan sıfrlyq platforma usyndy. Qosymsha arqyly ata-ana balanyń qozǵalysyn, qaýip­ti aımaqtarǵa kirýin, minez-qulqy men emosııalyq kúıindegi ózgeristerdi jáne jedel qaýip týraly habarlamalardy smartfonnan kóre alady.

Densaýlyq saqtaý salasynda «Ascle» atty dárigerdiń jasandy ıntellekt negizindegi kómekshisi qalalyq №4 emhanada qanatqaqty rejimde engizildi. Joba avtorlarynyń aıtýynsha, búginde dáriger ýaqytynyń 40 paıyzdan astamy qujat tol­tyrýǵa ketedi, bul kásibı kúıze­liske jáne pasıenttiń 1–2 apta kezek kútýine alyp keledi. Son­dyqtan bul sheshim kúndelikti úderistiń birqataryn avtomattandyryp, dárigerdiń ýaqytyn únemdeıdi. Synaq barysynda myńnan astam sessııa ótkizilip, sheshimniń medısınalyq mekeme jaǵdaıyndaǵy tıimdiligi dáleldengen.

Sol sekildi «EmAI» startapy JI-telemedısına platformasyn jasap, pasıenttiń shaǵymyn jasandy ıntellekt arqyly taldap, sodan keıin ǵana dárigerge joldaıdy. Osylaısha, dáriger qabyldaýǵa deıin daıyn derekpen aldyn ala tanysyp, ýaqytyn tıimdi jumsaıdy, al onlaın konsýltasııa men usynys júıede saqtalady.

«OQ.AI» startapy bolsa, oqýshylardyń oqý saýattylyǵy men synı oılaýyn damytýǵa arnalǵan jasandy ıntellekt platformasyn jasap shyǵarǵan. Qosymshada oqýshy mátindi nemese kitapty yńǵaıly formatta oqyp, sońynan jasandy ıntellekt qoıatyn suraqtarǵa jaýap beredi. Suraqtar balanyń túsiný, taldaý, paıymdaý deńgeıin aıqyn­­dap, álsiz tustaryn kórse­tip, soǵan saı tapsyrma usynady. Joba «Astana Innovations» qol­daýy­men Astananyń eki aýda­nyn­da qanatqaqty rejimde iske asyrylyp, oqý arqyly túsiný kórsetkishi balalarda 60 paıyzǵa artqany, muǵalimderdiń tekserý men taldaýǵa ketetin ýaqyty áldeqaıda qysqarǵany anyqtalǵan.

Bilim salasyndaǵy taǵy bir startap – «BizoSchool». Bul joba ár oqýshyǵa beıimdelgen kontent arqyly balalardyń nazaryn ustap otyratyn platformany usyndy. Júıe aýdıo, beınejazba negizinde sabaqtardy avtomatty túrde qurastyryp, pedagog aýys­sa da, mektepte jınaqtalǵan ádistemeniń joǵalmaýyna kó­mektesedi.

Al «Soyleseiyk» startapy sóıleý qabileti damymaǵan balalarǵa óz oıyn, emosııasyn jetkizýge kómektesetin balama kommýnıkasııa qosymshasyn ázirlegen. Bala planshetten sýretterdi tańdap, sóz tirkesi ne sóılem qurastyryp, dybys­taý batyrmasy arqyly óz oıyn syrtqa shyǵarady. Qosymsha 7 uıym bazasynda synaqtan ótip, 50-den astam bala qatysqan tájirıbe nátıjesinde olardyń sózdik qory 75 paıyzǵa artqany, sóılem quraý jyldamdyǵy 57 paıyzǵa óskeni anyqtalǵan.

Baǵdarlama aıasynda ınje­ner­lik jáne qoldanbaly daǵdy­lardy damytýǵa da erekshe nazar aýdaryldy. Máselen, «DRONLY» startapy drondardy  ushyrýmen ǵana shektelmeı, olar­dy baǵdarlamalaý arqyly oqý­shy­lardyń ınjenerlik oılaýyn damytatyn bilim  eko­júıesin usyndy. Qanatqaqty jobaǵa 35 oqýshy men 5 pedagog qatysqan. Sonymen qatar joba «NIS IB Astana» mektepteri úshin keshendi sheshim usynyp, Oral qalasyndaǵy eki mektepke engizilgen.

Al «Artisan Education» startapy mektepterdegi ınjenerlik jáne robottehnıkalyq sabaq­tardy jeńildetip, STEM-bilim­di qoljetimdi etýdi kózdeı­tin mo­dýldik platformany usyn­dy. Qosymshanyń arqasyn­da oqý­shynyń nazary qural-jab­dyqqa emes, ınjenerlik oı­laý­ǵa aýady. «Artisan Edu­cation» platformasy Astana­nyń tórt memlekettik mekte­binde «PiBody» apparattyq jıyn­tyq­taryn paıdalana otyryp synaq­tan ótti. Jobaǵa 11 pedagog pen 7–10 synyptardan 234 oqý­shy qatysqan. Alynǵan nátıje­ler oqýshylardyń joǵa­ry qyzyǵýshylyǵyn kórsetse, pedagogter sabaqqa daıyndalý ýaqytynyń qysqarǵanyn atap ótti.

«OTA» startapy bolsa «Astana Tourism» týrızmdi damytý ortalyǵymen birlesip qanatqaqty jobany júzege asyrdy. Joba aıasynda qala kartasy, marshrýttar jáne negizgi týrıstik nysandardy qamtıtyn veb-vıdjet ázirlendi. Synaq kezeńinde bul qyzmetti 60-tan astam týrıst paıdalanyp, onyń qolaılylyǵy men praktıkalyq tıimdiligi joǵary baǵalandy.

Al «WeGlobal» startapy mektep psıhologterine kómek­tesetin JI-platforma jasap, oqýshylardyń kúızelis deńgeıi men minez-qulqyn naqty anyqtaıdy. Oqýshylar qo­symsha arqyly test tapsyryp, óz jaǵdaıyn baqylap, kásibı baǵdar alady. Atalǵan joba elimizdegi 930-dan astam mektepte qoldanylyp jatyr.

«Smart Lighting» jobasy bolsa kóshe shamdaryn qa­shyqtan baqylap, basqarýǵa jáne jaryq qýatyn avtomatty túrde tómendete alatyn júıe­ni usynyp, elektr ener­gııa­sy­nyń artyq shyǵynyn azaıtý­ǵa baǵyttalǵan. Astananyń Sary­arqa aýdanynda engizilgen osy bir júıe elektr energııasyn 23 paıyzǵa únemdeıdi.

Osyǵan uqsas «Esep AI» startapy turǵyn úı-kommýnaldyq sharýashylyq tólemderin ashyq ári túsinikti etýge arnalǵan biryńǵaı sıfrlyq platformany usyndy. Mobıldi qosymsha arqyly turǵyndar tólemniń qalaı eseptelgenin kórip otyrady, qajet bolsa, konsýltanttan naqty jaýap alady. Jobanyń ıgiligin qazirdiń ózinde 2 myń qoldanýshy kórip otyr.

Aıta keteıik, «Astana Innova­tions Accelerator» baǵdarlamasyn «Astana Hub», Astana qalasynyń ákimdigi jáne «Astana Innovations» AQ birlesip júzege asyrdy.

«Akselerator jyl saıyn tıimdiligin naqty nátıjelermen dáleldep keledi. Osyndaı úzdik startaptardy qarjylandyrý sol jobalardyń damýyn toqtatpaı, ári qaraı ósýine úlken serpin beredi. Qalalyq ortada ınnovasııalardy damytý búginde asa mańyzdy, bul rette Astananyń tájirıbesi ózge qalalarǵa jarqyn mysal bola alady», dedi «Astana Hub» basqarýshy dırektory Tańat О́skembaev.