ASTANA. 23 naýryz. Shveısarııanyń 106 jastaǵy sýretshisi Gans Ernı qaıtys boldy. Bul týraly «Gazeta.Ru» habarlady.
«Shveısarııa sýretshisi Gans Ernı 106 jasqa kelgende, ómirden ótti», dep jazdy The Guardian.
Qylqalam sheberiniń ózi de sýretshi bolyp tabylatyn qyzy Sımona Fornar Ernıdiń aıtýyna qaraǵanda, ol 21 naýryz kúni eshbir qınalmastan, baqılyqqa attanyp kete barǵan.
Ernı osy jasyna jetkenge deıin qatań tártip ustap, jumys jasaǵan. Ol – júzdegen kartınalardyń, músinderdiń, lıtografııalardyń, keramıkalyq buıymdardyń avtory. 1940-1950 jyldary sýretshi Shveısarııa men KSRO arasynda dostyq qarym-qatynas kerektigin qaıta-qaıta alǵa tartqan. Sol úshin ózi bılik tarapynan biraz teperish kórip, shyǵarmashylyǵyna qysym jasalǵan.
Murat Aıtqoja.
Mánbe, sýret: Gazeta.Ru.