Qazaq kınosynyń metri, mádenıet pen ónerdiń asqar taýyna aınalyp bir dáýirdiń rýhyn arqalap ótken alyp tulǵa Asanáli aǵamyz da pánıden baqıǵa bet burdy.
Myńdaǵan adamnyń júreginde iz qaldyrǵan uly akterdiń ketýi ólimniń aqıqat ekenin túsinetin sanaly jannyń bárin seń soqqandaı etti…
Mynaý mazasyz dúnıede bezgek tıgendeı selkildep qaldyq.
Júrek syzdaǵanymen, jan muzdaǵanymen ajalǵa qarsy amalymyz joq.
Ult kınosynyń «Altyn qoryna» ólmes rólder men sheberlik úlgisin qaldyrǵan Asanáli aǵamyz óner qýatymen qazaq halqyn álemge tanytty. Onyń árbir róli – sahna men ekrandaǵy shynaıy adam taǵdyry, qazaq rýhynyń bıik beınesi edi. О́zine tán óneri men sheberligi arqyly ulttyq mádenıettiń qandaı bolatynyn uqtyra aldy. Kózi tirisinde aty ańyzǵa aınalǵan Asanáli aǵanyń óneri, ustazdyq sheberligi urpaqtan-urpaqqa jetetin baǵa jetpes mura. О́z dáýirin qapsyra «qushaqtaǵan» kúıi árbir oıly kórermen júreginiń tórinde saqtalady. Qaıtalanbas ónerimen, taǵdyr synaǵyna qara nardaı tótep bergen qasıetimen jurt esinde qalady. «Kóremiz» baǵdarlamasynyń túsirilimine taıaýda ǵana qatysyp edik. Sonda: «Ana Jarmaqty» barlyq jerde qoıýyń kerek. Sen ózińdi dáleldep kelesiń ǵoı», degen-di…
Maqtaý sózdi orynsyz aıta bermeıtin aǵanyń rızashylyq bildirgeni dep qabyldaǵam. Bálkim, amanaty…
Aldy da, sońy da jaryq bolǵaı!
Bekjan Turys,
shákirti, óner qaıratkeri