ASTANA. 11 mamyr. Memleket basshysy Iran prezıdenti Hasan Rýhanımen telefon arqyly sóılesti. Bul týraly akorda.kz habarlady.
Hasan Rýhanı Memleket basshysyn prezıdenttik saılaýdaǵy jeńisimen jáne qyzmetine kirisýine baılanysty quttyqtady.
Áńgimelesý barysynda memleket basshylary Qazaqstan-Iran seriktestiginiń basym baǵyttaryn talqylady. Sondaı-aq, taraptar halyqaralyq uıymdar aıasyndaǵy saıası dıalog pen jemisti ózara is-qımyldyń joǵary deńgeıin atap ótti. Budan bólek, saýda-ekonomıkalyq jáne ınvestısııalyq yntymaqtastyq aıasyn odan ári keńeıtý máseleleri áńgimege arqaý boldy.
Iran prezıdenti eki el arasyndaǵy san ǵasyrlyq dostyq pen ózara tıimdi yntymaqtastyqqa negizdelgen qarym-qatynas alda da Qazaqstan men Irannyń dostas halyqtarynyń múddesine ıgi qyzmet ete beretinine senim bildirdi.
Elaman Qońyr.
Derek, sýret: akorda.kz.