«Qazaqstan – shyǵys pen batystyń arasyndaǵy altyn kópir. Biz bul múmkindikti utymdy paıdalanýymyz qajet. Sonymen qatar qazir ekonomıkamyzda túbegeıli ózgerister jasalyp jatyr. Biz el ekonomıkasynyń damýyna qosymsha serpin berý úshin mańyzdy jobalardy qolǵa aldyq. Búginde sol jumystyń nátıjesin de kóre bastadyq. Sońǵy bes jylda ulttyq ekonomıka 15,8%-ǵa ósti. Bıylǵy ósim 6 paıyzdan asty. Bul – 2012 jyldan bergi eń joǵary kórsetkish», dedi Prezıdent.
Memleket basshysynyń aıtýynsha, jan basyna shaqqanda ishki jalpy ónim 47 paıyzǵa artty. Altyn-valıýta rezervi jáne Ulttyq qor aktıvteriniń kólemi rekordtyq mejege jetip, 125 mıllıard dollardan asty.
«Bıyl «Dostyq – Moıynty» temirjolynyń ekinshi jelisi merziminen buryn iske qosyldy. Bul – Táýelsizdik kezeńindegi eń iri temirjol qurylysy. Birneshe aıda osy jolmen qosymsha 6 mıllıon tonna júk tasymaldandy. Qazir «Moıynty – Qyzyljar» baǵytynda temirjol salynyp jatyr. Qazaqstan – shyǵys pen batystyń arasyndaǵy altyn kópir. Biz bul múmkindikti utymdy paıdalanýymyz qajet. Osy jyly 13 myń shaqyrym avtokólik joly salynyp, jóndelýde», dedi Qasym-Jomart Toqaev.
Áýe qatynasyn damytý isine de basa mán berilip jatyr. Álemniń iri qalalarymen tikeleı qatynas ornatylyp jatyr, 36 jańa áýe reısi ashyldy.
«Qazaqstan Eýrazııa qurlyǵyndaǵy tranzıt haby retinde qalyptasýy ábden múmkin. Bul – strategııalyq mańyzy bar maqsat. Sondaı-aq ınternet elimizdegi azamattardyń 90%-yna qoljetimdi boldy. Qazaqstan – Starlink jelisine ıe bolǵan Ortalyq Azııadaǵy alǵashqy memleket. Elimiz qurylys salasynda zor tabysqa jetti. Bıyl 19 mıllıon sharshy metrden astam turǵyn úı salyndy. Myńdaǵan otbasy baspanaly boldy», dedi Prezıdent.
Eske salaıyq, búgin Memleket basshysy Jambyl oblysyna jumys saparymen bardy.