Jyl saıyn Atyraý qalasynyń aýmaǵy keńeıip keledi. Aldaǵy jyldary taǵy 7 shaǵyn eldi mekenmen tolyǵýy múmkin, dep habarlaıdy Egemen.kz.
Keıingi jyldary munaıly shaharda jańadan О́rken, Juldyz-1, Juldyz-2, Juldyz-3, Kóktem, Qaınar, Baıtaq, Samal sekildi jańa shaǵyn aýdandar boı kóterdi. Sondaı-aq buryn Mahambet aýdanynyń ákimshilik bólinisinde bolǵan Bereke, Almaly aýyldary shahar mańyndaǵy eldi mekender quramyna qosyldy.
Oblys ákimi Serik Shápkenovtiń deregine qaraǵanda, taǵy da jeti jańa eldi mekenniń jospary jasaqtalyp jatyr. Jańadan boı kóteretin aýyldarda 7 myń 84 jer telimi ınfraqurylym jobasymen qamtylady.
«Samal shaǵyn aýdanynda 172 jer telimine arnalǵan ınjenerlik jelilerdiń qurylysy júrgizilip jatyr. Bul jumysty 2026 jyldyń úshinshi toqsanynda aıaqtaý josparlanyp otyr. 2024–2025 jyldary kezekke turǵan 611 adamǵa Qaınar shaǵyn aýdanynan jer telimderi berildi», dep habarlady Serik Shápkenov.