ASTANA. 12 mamyr. Hokkeıden Chehııada ótip jatqan álem chempıonatynda toptyq kezeń básekeleri naǵyz sharyqtaý shegine jetti. Azýly quramalar pleı-off satysynda ońtaıly qarsylasqa jolyǵý maqsatynda bilek sybansa, keıbir komandalar elıtalyq dıvızıonda qalý úshin ter tógýde. Keshe toptyq kezeń aıasyndaǵy taǵy 4 oıynnyń nátıjesi belgili boldy. Bul týraly egemen.kz habarlady.
Atalǵan matchtardyń ishinen jankúıerler Fınlıandııa men Belarýs arasyndaǵy oıynǵa erekshe nazar aýdardy. Sebebi, jeńgen komandanyń topta joǵary oryn alý múmkindigi artady. Al óz tobynda neǵurlym joǵary oryn alǵan komandanyń pleı-off kezeńinde kelesi toptaǵy kórsetkishi tómen qarsylasqa tap bolatyny belgili.
Jalpy, jarysty ár toptan alǵashqy tórt oryndy ıemdengen 8 komanda shyǵatynyn aıta keteıik. Qazirdiń ózinde 7 qurama belgili boldy. Toptyq kezeń aıasyndaǵy búgin bolatyn sońǵy oıyndardyń nátıjesine qaramastan, «A» tobynan Kanada, Shvesııa, Chehııa jáne Shveısarııa quramalary jarysty jalǵastyrady. Al «V» tobynan ázirge AQSh, Reseı jáne Fınlıandııa hokkeıshileri pleı-off básekesine joldama aldy.
11 mamyrda bolǵan oıyndardyń nátıjeleri:
«A» toby
Germanııa – Avstrııa 2:3 (býllıtpen) (0:0, 0:1, 2:1, 0:0, 0:1);
Shvesııa – Fransııa 4:2 (1:0, 1:2, 2:0).
«V» toby
Fınlıandııa – Belarýs 3:2 (0:0, 0:0, 2:2, 0:0, 1:0);
Slovenııa – Danııa 1:0 (1:0, 0:0, 0:0).
Búginge deıingi oıyndardyń nátıjesi boıynsha týrnır kestesi.
Búgin toptyq kezeńniń sońǵy oıyndary ótedi.
«A» toby
Kanada – Avstrııa;
Latvııa – Fransııa;
Chehııa – Shveısarııa.
«V» toby
Norvegııa – Belarýs;
AQSh – Slovakııa;
Fınlıandııa – Reseı.
Elaman Qońyr.
Derek: egemen.kz.
Sýret: championat.com.