Tarazda fýtzaldan Qazaqstan kýboginiń fınaldyq saıysy ótti. Bas júldeni «Semeı» men «Aqtóbe» sarapqa saldy, dep habarlaıdy Egemen.kz.
Jartylaı fınalda qos komanda da óz qarsylastaryn ázer utqan edi. «Semeı» «Atyraýdy» 4:3 esebimen áýpirimdep júrip jeńdi. Al «Aqtóbe» dańqy alysqa jaıylǵan Almatynyń «Qaıratynan» aılasyn asyrdy. Bul kezdesýde 5:4 esebi tirkeldi.
Fınaldyq matchta semeılikterdiń sheberlik deńgeıi qarsylastaryna qaraǵanda bir bas joǵary ekeni birden ańǵaryldy. Oıynnyń 5 jáne 13 mınýttarynda Dedezıno qatarynan eki gol soǵyp, dýbl avtory atandy. Birinshi taım aıaqtalýǵa shaq qalǵanda Gabrıel Kandıdo men Leo Igıta nysanany dál kózdedi.
Fýtzaldan Qazaqstan kýboginde tosyn nátıje tirkeldi
Úzilisten keıin Marselo Aýgýsto dos Santos esepti 5:0-ge jetkizdi. Tek sodan keıin baryp qana Abaı oblysynan kelgen komanda qarqynyn báseńdetti. Básekeniń sońyna qaraı «Aqtóbeniń» oıynshylary sál bolsa da esepti qysqartty. Atap aıtsaq, 35 mınýtta Egor Nýlet mergendik tanytsa, 35 mınýtta Qaırat Imanalın penaltıdi sátti oryndady. Qorytyndy esep – 5:2. Sóıtip, «Semeı» Qazaqstan kýbogin ıelendi.