Aldaǵy 2026 jyldan bastap Almatyda áleýmettik mańyzǵa ıe taǵy da 11 túrli keseldi anyqtaý, baqylaý men emdeý jaǵy saqtandyrylǵan, saqtandyrylmaǵanyna qaramastan tegin bolady, dep jazady Egemen.kz.
Osy oraıda megapolıstegi О́ńirlik kommýnıkasııalar qyzmetinde Almaty qalasy Qoǵamdyq densaýlyq saqtaý basqarmasy basshysynyń orynbasary Láıla Imanǵalıeva áleýmettik mańyzy bar aýrýlardyń tizimine týberkýlez, AITV, qaterli isikter, sozylmaly vırýsty gepatıtter men baýyr sırrozy, psıhıkalyq jáne minez-qulyqtaǵy aýytqýlar, orfandyq aýrýlar, epılepsııa, ınsýlt pen jedel mıokard ınfarkti, sondaı-aq júıke júıesine qatysty biraz aýrýdyń túri kiretinin atady.
«Mańyzdy ózgeristiń biri – áleýmettik mańyzǵa ıe dertke shaldyqqan jaǵdaıda naýqastyń saqtandyrylmaǵandyǵyna qaramastan, qajetti dıagnostıkalyq tekserýler taǵaıyndalady. Buǵan deıin mundaı múmkindik týberkýlez nemese AITV-ınfeksııasyn juqtyrdy degen kúdik týyndaǵan jaǵdaıda ǵana qarastyrylatyn», deıdi Láıla Imanǵalıeva.
Ol 2025 jylǵy qyrkúıekten bastap Almatynyń barlyq turǵyny onkologııalyq aýrýlardy erte anyqtaý maqsatynda skrınıngtik tekserýlerden tegin ótetinin de eske saldy. Buryn mundaı múmkindikke saqtandyrylǵan azamattardyń ǵana qoly jetetin.
Sonymen qatar 2026 jyldan bastap MÁMS paketi de keńeıtiledi. Oǵan dıspanserlik esepte turǵan sozylmaly aýrýlary bar naýqastar, onyń ishinde qant dıabeti, arterııalyq gıpertenzııa, júrektiń ıshemııalyq aýrýy, búırek, tynys alý aǵzalary, tirek-qımyl júıesi aýrýlary men basqa da dertpen aýyratyn azamattar engiziledi.
«Bul pasıentterge tegin dári-dármek alýǵa, ambýlatorııalyq, stasıonarlyq jaǵdaıda emniń barlyq qajetti túrin, onyń ishinde qymbat preparattar alýyna múmkindik beredi», deıdi maman.