Túrkistan oblysyna qarasty Báıdibek aýdanynyń turǵyndary, aǵaıyndy eki jigit mal urlyǵyn jasady jáne qarýdy zańsyz saqtady degen kúdikpen ustalǵan. Urlyq isi dronnyń kómegimen ashylǵan, dep habarlaıdy Egemen.kz.
Polıseıler Báıdibek aýdany aýyldarynyń birinde 3 bas sıyrdy urlaý faktisin anyqtaǵan. Kúdiktiler urlanǵan maldy Ordabasy aýdany turǵynyna satyp úlgergen eken.
Polisia.kz saıtynyń habarlaýynsha, bótenniń múlkin ótkizý faktisi dron kómegimen tirkelip, bul mal urlyǵynyń izine tez shyǵýǵa múmkindik berdi. Sol kúni kúdiktiler turǵylyqty mekenjaıy boıynsha ustalǵan.
Tintý kezinde olardan 6 bas mal, ańshy myltyǵy jáne basqa zattar tárkilendi. Sotqa deıingi tergeý amaldary júrgizilip jatyr.