Memleket basshysynyń tapsyrmalary men Sıfrlandyrý jáne jasandy ıntellekt jyly aıasyndaǵy is-sharalardy júzege asyrý sheńberinde Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev pen О́nerkásip jáne qurylys mınıstri Ersaıyn Naǵaspaev 2026–2027 jyldarǵa arnalǵan qurylys salasyn sıfrlandyrý josparyn bekitti.
Qujat qurylys salasyn sıfrlyq transformasııalaýdyń negizgi mindetterin aıqyndaıdy ári josparlaý, jobalaý kezeńderinen bastap, paıdalanýǵa berý, ǵımarattardy odan ári paıdalaný úderisterine deıingi qurylys nysandarynyń búkil ómirlik sıklin qamtıdy.
Josparda qurylys salasyndaǵy úderisterdi jeńildetý men jedeldetýge baǵyttalǵan keshendi praktıkalyq sharalar kózdelgen. Basym baǵyttardyń qatarynda mindetti BIM-jobalaýdy engizý, qurylys salasyndaǵy memlekettik qyzmetterdi avtomattandyrý, nysandardyń sıfrlyq pasporttaryn qalyptastyrý, sondaı-aq qurylys normalary men standarttaryn mashınamen oqylatyn formatqa kóshirý bar. Bul sharalar qolmen oryndalatyn operasııalar sanyn qysqartýǵa, qatelikter táýekelin azaıtýǵa ári qurylys jobalaryn júzege asyrýdyń boljamdylyǵyn arttyrýǵa múmkindik beredi.
Jospardy júzege asyrý salanyń ashyqtyǵy men basqarylýyn qamtamasyz etýge, qurylys merzimderi men shyǵyndaryn qysqartýǵa, ákimshilik kedergilerdi azaıtýǵa, sondaı-aq qurylys nysandarynyń sapasy men qaýipsizdigin arttyrýǵa baǵyttalǵan.