• RUB:
    6.68
  • USD:
    520.93
  • EUR:
    609.07
Basty saıtqa ótý
Digital 13 Qańtar, 2026

SQO-daǵy shalǵaı aýylda Creative IT Center ashyldy

20 ret
kórsetildi

Elimizde Sıfrlandyrý jáne jasandy ıntellekt jyly bastalǵan tusta Soltústik Qazaqstan oblysynyń Tımırıazev aýdanynda Creative IT Center jumysyn bastady. Shalǵaı aýylda ashylǵan bul ortalyq memlekettik sıfrlyq saıasattyń óńirlerde naqty iske asyp jatqanyn kórsetti, dep jazady Egemen.kz.

Tımırıazev aýylyndaǵy jańa keńistik sıfrlyq daǵdylardy úırenýge, tehnologııalyq jobalardy iske asyrýǵa jáne jasandy ıntellekt baǵytynda bilim alýǵa arnalǵan. Joba Memleket basshysy Qasym-Jomart Toqaev aıqyndaǵan eldi jańǵyrtý baǵytynyń bir bóligi retinde júzege asyryldy. Ortalyqtyń aýyldyq jerde ashylýy sıfrlandyrý tek iri qalalarmen shektelmeıtinin ańǵartady.

Saltanatty is-sharaǵa jergilikti bılik ókilderi, bilim berý uıymdary, bıznes, qoǵamdyq birlestikter, sondaı-aq oqýshylar men jastar qatysty. Soltústik Qazaqstan oblysy ákimi apparatynyń basshysy Rýslan Álishev Creative IT Center óńirlerde sıfrlyq ınfraqurylym qurýǵa bolatynyn dáleldeıtin joba ekenin aıtty. Ol ásirese aýyldardaǵy sıfrlyq saýattylyq máselesine nazar aýdardy.

«Muny biz kún saıyn tájirıbede kórip otyrmyz: ózine-ózi qyzmet kórsetý aımaqtary bolǵannyń ózinde, aýyl turǵyndarynyń basym bóligi elektrondyq memlekettik qyzmetterdi óz betinshe ala almaıdy. Sondyqtan mundaı ortalyqtar asa qajet», dedi ol.

Tımırıazevtegi ortalyq oblys boıynsha josparlanǵan 13 IT-ortalyqtyń jetinshisi. Bıyl ashylǵan alǵashqysy da osy. 2026 jyldyń 1 naýryzyna deıin Soltústik Qazaqstannyń barlyq aýdandarynda osyndaı ortalyqtar iske qosylmaq.

Almatyda Braıl qarpi bar, IT-aımaqty kitaphana ashyldy

Is-sharada Tımırıazevtegi Sábıt Muqanov atyndaǵy mektep-gımnazııanyń 11-synyp oqýshysy Danııl Stepanenkonyń jobasy kópshiliktiń nazaryn aýdardy. Ol aýyl oqýshylaryna arnalǵan SABAQ bilim berý platformasyn ázirlegen. Platforma ınternet álsiz nemese múlde joq jerde de negizgi materıaldardy oflaın paıdalanýǵa múmkindik beredi. Joba qazirdiń ózinde eldiń túrli óńirindegi júzden astam oqýshy arasynda synaqtan ótken.

Jasandy ıntellekt – strategııalyq basymdyq

Aǵa býyn úshin ortalyqtyń mańyzyn ardagerler keńesiniń tóraıymy Saıran Baıdalına atap ótti. Onyń aıtýynsha, munda zeınetkerler elektrondyq memlekettik qyzmetterdi, sıfrlyq servısterdi jáne telemedısınany meńgere alady, sondaı-aq óz eńbegin onlaın ortada ilgeriletýge jol ashylady.

Tımırıazev agrotehnıkalyq kolledjiniń dırektory Mahmet Saıran ortalyq stýdentterge VR-tehnologııalarmen, vırtýaldy zerthanalarmen jáne zamanaýı baǵdarlamalyq ónimdermen jumys isteýge múmkindik beretinin jetkizdi. Bul bolashaq mamandardy naqty óndiristik jaǵdaıǵa jaqyn daıarlaýǵa kómektesedi.

Dzerjınskıı aýyldyq okrýginiń ákimi Narıman Jarasbaev sıfrlyq saýattylyq búginde bazalyq qajettilikke aınalǵanyn aıtty. Onyń pikirinshe, mundaı daǵdylarǵa qoljetimdilik eldi mekenniń qashyqtyǵyna qaramastan birdeı bolýy tıis.

Al agrobıznes ókili, «Eseı Agro» JShS dırektory, oblystyq máslıhat depýtaty Serik Júkeev aýyl sharýashylyǵynda joǵary tehnologııamen jumys isteıtin mamandar tapshy ekenin atap ótti. Onyń sózinshe, Creative IT Center osy olqylyqty joıýǵa jasalǵan alǵashqy qadam.

Sportshylarǵa arnalǵan jasandy ıntellekt baǵdarlamasy ázirlenip jatyr

Is-shara sońynda Tımırıazev aýylynyń ákimi ortalyq urpaqtar arasyndaǵy baılanys alańyna jáne sıfrlyq tehnologııa men jasandy ıntellektini meńgeretin kadrlar ordasyna aınalatynyn aıtty. Creative IT Center mektep oqýshylaryna, stýdentterge, kásipkerlerge jáne aǵa býyn ókilderine ashyq. Ortalyq aýylda sıfrlyq daǵdylardy damytýǵa jáne zamanaýı IT-sheshimderdi ómirge engizýge baǵyttalǵan.