«Nur Otan» men «Edınaıa Rossııa»

partııalary О́zara is-qımyl men áriptestik týraly kelisimge qol qoıdy  «Nur Otan» partııasy Tór­aǵasynyń birinshi orynbasary Baýyrjan Baıbektiń basshy­­ly­ǵymen «Nur Otan» partııasy dele­gasııasynyń Reseı Federa­sııa­syna resmı sapary bas­taldy. Ekijaqty kezdesý barysynda Máskeýde «Edınaıa Rossııa» búkilreseılik saıası partııasy men «Nur Otan» partııasy – eki bıleýshi partııanyń arasynda О́zara is-qımyl men áriptestik týraly kelisimge qol qoıyldy. Resmı saparynyń birinshi kúninde «Nur Otan» partııasy Tór­aǵasynyń birinshi orynbasary Baýyrjan Baıbek Reseı Fede­rasııasy Federaldyq Jına­lysy Memlekettik Dý­masynyń Tór­aǵasy Sergeı Naryshkınmen kezdesti. Ekijaqty kezdesý barysyn­da búgingi tańda Qazaqstan Res­pýb­lıkasy Parlamenti Senaty men Reseı Federasııasy Fede­rasııa Keńesiniń, Qazaqstan ­Res­pýblıkasy Parlamenti Májili­si men Reseı Federasııasy Mem­­leket­tik Dýmasynyń ara­synda tikeleı ózara is-qımyl­dyń ornatyl­ǵany, al depý­tattardyń TMD Par­la­men­t­aralyq Assam­bleıasy, UQShU, EQYU men EQYU Par­lament­tik Assambleıasy otyrys­tary sheń­berinde jemisti jumys jasap jat­qandary atap ótildi. Taraptar eki eldiń Parlamenti arasyndaǵy baılanystardy ári qaraı da damytýǵa nıetti ekenderin jetkizdi. Sapar sheńberinde «Nur Otan» partııasynyń delegasııasy «Edınaıa Rossııa» Bas keńesiniń hatshysy, RF Federaldy Jınalysy Memlekettik Dýmasy Tóraǵasynyń orynbasary Sergeı Neverovpen júzdesti. Kezdesý barysynda Baýyrjan Baıbek «Nur Otan» men «Edınaıa Rossııa» partııalarynyń bıleýshi bolyp tabylatynyn jáne óz elderindegi zańnamalyq organdarda kópshilik daýysqa ıe ekenin atap ótti. Sonymen birge, partııalardy «Nur Otan» Doktrınasyndaǵy, sondaı-aq, «Edına Rossııanyń» resmı tuǵyrnamasynda belgilengen ortalyqshyldyq ıdeologııasy men ortaq konservatıvtik qundylyqtar biriktiretinine nazar aýdardy. Taraptar bizdiń elderimizdiń arasyndaǵy partııa­­aralyq jáne parlamentaralyq áriptestiktiń qar­qyn­dy damýynyń Qazaqstan men Reseıdiń ózara tıimdi áriptestiginiń nyǵaıýyna yqpal etetinine toqtaldy. Sapar sheńberinde «Nur Otan» partııasy Tóraǵa­synyń birinshi orynbasary Baýyrjan Baıbek, sondaı-aq, RF Memlekettik Dýmasyndaǵy «Edınaıa Rossııa» partııasy fraksııasynyń jetekshisi, RF Fede­ral­dy Jınalysy Memlekettik Dýmasy Tóraǵa­synyń orynbasary Vladımır Vasılevpen júzdesti. Reseılik áriptesterimen kezdesýi barysynda Baýyrjan Baıbek Qazaqstan Prezıdenti, partııa Tóraǵasy N.Á.Nazarbaevtyń partııanyń HVI sezinde jarııa etken bes ınstıtýsıonaldyq reformasyn, sondaı-aq, qabyldanǵan «100 naqty qadam» Ult jos­paryn iske asyrýdaǵy «Nur Otan» partııasynyń rólin atap ótti. О́z kezeginde «Edınaıa Rossııa» partııasy frak­sııasynyń jetekshisi, Memlekettik Dýmanyń vıse-spıkeri Vladımır Vasılev partııalar arasyndaǵy ashyq jáne senimdi qarym-qatynastardy joǵary baǵalady. Biz Reseı-Qazaqstan ózara is-qımylynyń deńgeıi men jemisti sıpatyn kórsetetin «Edınaıa Rossııa» jáne «Nur Otan» partııalarynyń arasyndaǵy qalyptasqan ashyq jáne senimdi qarym-qatynastardy joǵary baǵalaımyz», – dedi V.Vasılev. Osy rette, «Nur Otan» partııasy Tóraǵasynyń birinshi orynbasary Baýyrjan Baıbek bıylǵy jyly Qazaqstannyń TMD-ǵa tóraǵalyq etetinin jáne elder­diń arasyndaǵy saýda-ekonomıkalyq ózara is-qımyl­dy ári qaraı tereńdete túsýge yqylasty ekenin jetkizdi. «Reseı Qazaqstan úshin – baýyrlas el, beıbit kórshi jáne strategııalyq seriktes. Bıylǵy jyly Qazaqstan Prezıdenti, «Nur Otan» partııasy Tóraǵasynyń osydan jıyrma jyl buryn jarııalaǵan ıdeıasyn shyndyqqa aınaldyrǵan Eýrazııalyq ekonomıkalyq keńes bastaý aldy. Birigýdiń ǵalamdyq tájirıbesi kúsh-jigerdi biriktirýdiń uzaq merzimdi ekonomıkalyq dıvıdendter ákeletinin jáne halyqtyń ál-aýqatyn kóteretinin kórsetip otyr», – dedi B.Baıbek. Reseı parlamentshileri ataýly kúnderdi merekeleý boıynsha birlesip jumys jasaýdyń qajet ekenin jetkizdi, olardyń qatarynda Uly Otan soǵysyndaǵy Jeńistiń 70 jyldyǵy da bar. Sonymen birge, Federasııa Keńesiniń Halyqaralyq ister komıteti basshysynyń orynbasary A.Klımov «Qazaq handyǵynyń 550 jyldyǵynyń bizdiń halqymyzdyń tarıhyndaǵy mańyzdy kezeńi bolyp tabylatynyn jáne osy aıtýly oqıǵany nazardan tys qaldyrmaıtyndaryn» atap ótti. Osy kúni «Nur Otan» partııasy men «Edınaıa Rossııa» búkilreseılik saıası partııasy arasynda О́zara is-qımyl men áriptestik týraly kelisimge qol qoıyldy. Atalǵan kelisim «táýelsizdik, teńdik, ózara qurmet pen bir-biriniń isine aralaspaý negizderi men qaǵıdattaryna súıenip jasaldy. О́ıtkeni, partııalyq baılanys Qazaqstan-Reseı qarym-qatynastarynyń mańyzdy quramdasy bolyp tabylyp, ortaq múdde úshin olardyń turaqty damýyna yqpal etýdi kózdeıdi». Bıleýshi partııalardyń arasyndaǵy ózara is-qımyldyń negizgi aspektileriniń qatarynda partııa qury­­lysy sala­syndaǵy tájirıbesimen birin-biri tanys­­tyrý, partııalyq jobalardy, uıymdastyrý jumys­­taryn, baqylaý-revızııalyq qyzmetti, kadr­­­lar­­dy oqytý men daıyndaýdy iske asyrý, memle­­kettik bılik­tiń ózara ortaq múddeni tanytatyn zań­na­malyq organ­dardyń qyzmetine, jastar saıasaty­na, halyq­ara­lyq baılanystar men basqa da salalarǵa qatysýy bar. Sonymen qatar, kelisimniń taraptardyń partııanyń oqytý qurylymdary arasynda tájirıbe almasýǵa, sondaı-aq, «dostyq pen kórshilikti nyǵaıtý, jastardy patrıotızm men eńbeksúıgishtikke baýlý maqsatynda «Nur Otan» partııasy janyndaǵy «Jas Otan» jas­tar qanaty men «Molodaıa gvardııa Edınoı Rossıı» búkilreseılik qoǵamdyq uıymynyń arasyndaǵy áriptestikti damytýǵa yqpal etetini aıtylǵan. Taraptar partııa basshylyǵy delegasııasy saparlarymen almasý týraly kelisti. Mysaly, 2015-2016 jyldary «Edınaıa Rossııa» búkilreseılik saıası partııasy basshylyǵy delegasııasynyń Qazaqstan Respýblıkasyna sapary josparlanǵan, 2017 jyly «Nur Otan» partııasy basshylyǵynyń delegasııasy Reseı Federasııasyna saparmen barady. Sapar barysynda delegasııa músheleri «Edınaıa Rossııa» partııasynyń Ortalyq atqarý komıtetiniń jetekshilerimen, «Molodaıa gvardııa Edınoı Rossıı» basshylyǵymen kezdesip, partııanyń Máskeý qalalyq óńirlik bóliminiń jumysymen tanysty. Delegasııa quramynda «Nur Otan» partııasy Saıası keńesi Bıýrosynyń múshesi Anatolıı Bash­makov, Sybaılas jemqorlyqqa qarsy is-qımyl boıynsha respýblıkalyq qoǵamdyq keńestiń tóraǵasy, Parlament Májilisindegi partııa fraksııasynyń múshesi Qaıyrbek Súleımenov, «Jas Otan» jastar qanatynyń tóraǵasy Nurlan Sydyqov, partııanyń Saıası menedjment mektebiniń dırektory Áset Ábdýalıev boldy. Sáýlebek BIRJAN.