BAÁ-niń Fýdjeırasynda semserlesýden Álem kýboginiń kezeńi aıaqtaldy. Elimiz ókilderi arasynda Rýslan Qurbanov eń táýir kórsetkishke qol jetkizdi. Álem chempıonatynyń eki dúrkin qola júldegeri 11-orynǵa taban tiredi. Komandalyq saıysta jerlesterimiz 13-satyǵa turaqtady.
Qazaqtyń tanymal aralas jekpe-jek sheberi Baǵdos Oljabaı 16 qańtarda Reseıdiń Krasnodar qalasynda ótetin ASA 199 týrnırine qatysady. Ol ataqty Habıb Nurmaǵomedov jetekshilik etetin Eagle FC lıgasynyń eks-chempıony, armenııalyq Jora Aıvazıanmen aıqasady. Qandasymyz osy kúnge deıin 21 kezdesý ótkizip, sonyń 17-sinde jeńiske jetse, qarsylasy 17 básekeniń tek bireýinde ǵana utyldy.
О́skemenniń «Torpedo» hokkeı klýby Londonda ótetin Qurlyqtyq kýbokke qatysady. Jerlesterimiz Polshanyń «Katovıse», Ulybrıtanııanyń «Nottıngem Panters», Danııanyń «Hernıng Blıý Foks», Fransııanyń «Dıýk d’Anje», Latvııanyń «Mogosymen» birge jarysty ekinshi kezeńnen bastaıdy. Týrnır 14 qańtarda bastalady.
Frıstaıl-mogýldan Kanadanyń Val-Sent-Kom qalasynda ótken Álem kýbogi kezeńinde elimizdiń birde-bir sportshysy jeńis tuǵyryna kóterile almady. Jerlesterimizdiń arasynan eń úzdik nátıje Anastasııa Gorodkoǵa tıesili. Ol 5-oryndy qanaǵat tutty. Sonyń aldynda paralleldi mogýldan da Anastasııa dál sol mejeden kóringen edi. Álem chempıony, Olımpıada júldegeri Iýlııa Galysheva saıystyń osy túrlerinen 15, 17-oryndarda qalyp qoıdy.
Germanııanyń Notshraıe qalasynda parabıatlonnan Álem kýbogi ótti. Sporınterlik saıysta synǵa túsken Erbol Hamıtov qola medaldy ıelendi. 7,5 shaqyrymdyq qashyqtyqty 22 mınýt 9,1 sekýndta júrip ótken ol Qytaıdyń qos ókili – Lıý Mentao men Mao Chjýnýnen ǵana qalyp qoıdy.
Qurlyqtyq hokkeı lıgasynda (QHL) kúsh synasyp júrgen «Barys» qatarynan tórtinshi kezdesýinde jeńilis tapty. Bul joly olar Ekaterınbýrgte jergilikti «Avtomobılıstke» ese jiberdi. Báseke óte tartysty ótti. Negizgi ýaqyt 1:1 esebimen teń aıaqtaldy. Overtaımda Iаroslav Býsygın jeńis golyn soqty – 2:1.
Grýzııada týyp, AQSh-ta eńbek etip júrgen armenııalyq maman Rafael Arýtıýnıannyń esimi mánerlep syrǵanaýdyń Dańq zalyna (U.S. Figure Skating Hall of Fame) endi. Kezinde ol Mıshel Kvan, Saga Koen, Djeffrı Battl, Mao Asada, Maı Asada, Aleksandr Abt, Sergeı Voronov, Ivan Dınıev, Aleksandr Shýbın, Neıtan Chen, Adam Rıppon, Eshlı Vanger, Meraııa Bell, Romen Ponsar, Mıhal Brjezına, taǵy basqa juldyzdardy baptady. Qazirgi kezde Arýtıýnıan áıelder arasyndaǵy elimizdiń eń úzdik syrǵanaýshysy Sofıa Samodelkınany jattyqtyryp júr.
Sheshenstannyń bas shahary – Groznyıda aralas jekpe-jekten ASA týrnıri uıymdastyryldy. Jarysta qazaqtyń eki sportshysy kúsh synasyp, biri qýantty, ekinshisi muńaıtty. Asa jeńil salmaqtaǵy Qaırat «Qazaq» Ahmetov (31-2) jergilikti faıter Mansýr Hatýevty (16-6) tóreshilerdiń sheshimimen esh kúmánsiz utyp, 38 jasqa kelse de áli de babynda ekenin baıqatty. Keıingi kezderi birde utyp, birde utylyp júrgen jartylaı aýyr salmaqtaǵy Asyljan «Saq» Baqytjanulyn (17-5-1) bul joly sheshen jigiti Sýlım Batalov (9-1) birinshi raýndta-aq aýyr soqqylarymen sulatyp saldy.