2026 jyldyń qorytyndysy boıynsha álemdegi jumyssyzdyq deńgeıi orta eseppen 4,9% shamasynda bolady, dep habarlaıdy Egemen.kz.
Agenttik málimetinshe, bul týraly Halyqaralyq eńbek uıymynyń boljamynda aıtylǵan. BUU mamandarynyń pikirinshe, jumyssyzdyq deńgeıi 2025 jylmen salystyrǵanda ózgermeıdi, al jyl sońyna qaraı shamamen 186 mln adam jumyssyz retinde tirkeledi.
Prezıdent BUU-daǵy jumysyna qaıta oralýy týraly sybysqa qatysty jaýap berdi
Halyqaralyq eńbek uıymynyń baıandamasyna sáıkes, damyǵan elderde jumys oryndarynyń sany 0,5%-ǵa ósedi, al tabysy tómen elderde bul kórsetkish 3,1% bolady. Mundaı aıyrmashylyq baı elderdegi halyqtyń qartaıýymen baılanysty: eńbekke qabiletti jastaǵy adamdar sany azaıyp, jumys tabý nemese ony saqtap qalý qıyndap otyr.
Sonymen qatar, uıym jumys ornynyń bolýy árdaıym laıyqty tabysqa kepil emes ekenin atap ótedi. Qazirgi tańda álemde 300 mln-ǵa jýyq adam kúnine 3 AQSh dollarynan az tabyspen ómir súrip, shekten tys kedeılik jaǵdaıynda kún keshýde. Afrıka men Latyn Amerıkasynyń kóptegen elinde halyqtyń jartysynan astamy kóleńkeli ekonomıkada eńbek etedi.
BUU: Densaýlyq saqtaýǵa ınvestısııa salynbasa, budan da joıqyn pandemııaǵa tap bolamyz