Elbasy Nursultan Nazarbaev Qos Kıeniń Saqshysy, Saýd Arabııasynyń Koroli Salman ben Ábdel Ázız Ál Saýdpen telefon arqyly sóılesti, dep habarlady Prezıdenttiń baspasóz qyzmeti.
Áńgimelesý barysynda Saýd Arabııasynyń Koroli Memleket basshysyn barsha musylman úshin qasıetti Ramazan aıynyń bastalýymen quttyqtap, qazaqstandyqtarǵa baq-bereke tiledi.
Eki memleket basshylary Qazaqstan-Saýdııa seriktestiginiń basymdyǵy bar baǵyttaryn talqylady. Taraptar halyqaralyq uıymdar aıasyndaǵy saıası únqatysý men jemisti yqpaldastyqtyń deńgeıi joǵary ekenin atap ótti.
Sonymen qatar, saýda-ekonomıkalyq jáne ınvestısııalyq yntymaqtastyqty odan ári arttyrý máseleleri jóninde pikir almasyldy.
Salman ben Ábdel Ázız Ál Saýd elderimizdiń ǵasyrlar boıǵy dostyq pen ózara tıimdi yntymaqtastyqqa negizdelgen qarym-qatynasy aldaǵy ýaqytta da Qazaqstan men Saýd Arabııasynyń dostas halyqtary múddesine qyzmet ete beretinine senim bildirdi.