Bizdi shyńdaǵan kedendik jáne ekonomıkalyq keńistik

Osydan 20 jyldaı ýaqyt buryn maǵan: «Siz qandaı maq­sat­­­­­­­pen ónim óndirýdi jospar­ladyńyz?» – degen suraq qoıylyp edi. Sonda men: «Halyqaralyq standart­tar deńgeıine saı ke­le­tin jo­ǵary sapaly ónim da­ıynda­­­ǵy­myz keledi», – degen bolat­yn­­­myn. Maqsat júzege asty. Tátti­ler óndirisin iske qosý jeke kásip­kerliktegi negizgi strategııa­lyq maqsatyma aınaldy. Árıne, elimizdiń DSU-ǵa endi ǵana qosylýy – asyqpaı oılanýdy qajet etken bolar. Áıtpegende, halyqaralyq qoǵamdastyqqa usynatyn ónimderi de, odan alatyn taýarlary da jetedi. Endi bizder bul uıymnyń óz talap-qaǵıdattaryn oryndaýymyz kerek. Taýarlardy kásipkerlerimiz óte sapaly arzan baǵaǵa óndire bilýdi úırene bilýleri kerek degen sóz. Iаǵnı, kim óz taýaryn arzan, sapaly etip óndire alsa, halyq­­aralyq saýdada joly bolady. DSU degenimiz – búkil álem úshin asa paıdaly halyqaralyq uıymnyń biri. Saýda zańdylyq­taryna beıimdelýimiz kerek. Bul elimizdiń órkendeýine, kásip­kerlerdiń arasynda básekege qabi­lettiliktiń arta túsýine, tuty­nýshylardyń arzan da sapaly taýar alýlaryna ashylǵan jol. Mysaly, biz kondıter sehyn iske qosqannan soń 1999 jyly jasaǵan ónimderiniń ótimdiligin qamtamasyz etý úshin keshendi dúkender qurylysyn bastadyq. Qazir tutynýshy suranysynda shek joq. 2003 jyly ekinshi kondıter sehy boı kóterdi. Avtodúkender satyp alyndy, qalanyń ár jerinde táttilerdi saýdalaıtyn oryndar jasaldy. Al 2006 jyly «Krendel» JShS ST ISO 9001 talaptaryna sáıkes sapa menedjmentin ıelendi. Bul táttiler ónimderin saýdalaýda elimizdiń ishki naryǵyna shyǵýǵa múmkindik berdi. Kelesi 2007 jyly kofe ishetin arnaıy dúken keńeıtilip, ishinen VIP-zal jáne balalarǵa arnalǵan alań, 2009 jyly «Kabachok 115» atty jańa kafe ashyldy. Bularda satyp alýshylar men tapsyrys berýshiler talabyna oraı sapaly ónimderdi saýdalaýda joǵary iltıpatty qyzmet kórsetiledi. Ekinshi, sapaly ónimder jasaý úshin – kásiporynǵa jańa jab­dyqtar, jańa zamanaýı tehnologııalar alyndy. Tehnologııalardy qoldana otyryp joǵary sapaly kondıter jáne unnan daıyn­dal­ǵan buıymdar jasalady. Bizdiń «Krendelde» negizinen 500-deı qyz-kelinshek jumys jasaıdy. «Krendeldiń» tehnolog maman qyz-kelinshekteri kún saıyn jańa torttar, bálish, pechene, toqashtardyń neshe túrlerin oılap tabady. Tipti, olardyń for­­masyn kún saıyn ózgertip, qul­pyr­typ otyrady dese de bolar. Búgingi kúnde «Krendel» tátti­lerdiń 300-deı túrin daıyndaıdy. Sehtarda jańa avtomattyq jelilerde – neshe túrli ónimder jasa­lynýda. Bul ónimderdi elimiz­diń basqa óńirlerine, Reseı nary­ǵyna shyǵarýǵa múmkindik berdi. Jyl saıyn kondıterler men aspazshylar jaqyn jáne alys shetelde biliktilikterin arttyrýdan ótedi. Tájirıbe almasý úshin TMD elderinen, Eýropadan, Azııadan, AQSh-tan mamandar shaqyrylady. Byltyr jalpy kólemi 760 kv.m taǵy da bir jańa kondıter sehyn, jalpy kólemi 500 kv.m kondıter buıymdary dúkenin ashtyq. Árıne, álemdik ekonomıka men álemdik saýdanyń ǵalamdyq erkin naryǵyna qosylý, oǵan ilesip ketý bárimizge úlken talaptar, mindetter júkteıdi. Bul talaptan eshkimniń shet qalmasy anyq. Sondyqtan, osy jolǵy Úndeýinde Elbasy aıtqandaı, bul jol kásiporyndarymyzdyń shetel naryqtaryna shyǵýyn qamtamasyz etedi. Budan buryn bizge, otandyq taýar óndirý­shi­lerge qoldaý kórsetilip, bıznes álemine jaǵdaı jasaldy. Kedendik jáne ekonomıkalyq keńistikte de jumys jasadyq. Bizdi, kásipkerlerdi Elbasy osylaı shyńdady. Únemi qoldaý kórsetti. Endi, mine, basqasha ǵalamdyq básekege saı jumys jasaıtyn ýaqyt keldi. Elbasy aıtqandaı, bul bizdiń elimizdiń qolynan keledi dep senemin. Zınaıda PARHOMENKO, «Krendel» JShS dırektory. PAVLODAR.