Jas ǵalymdarǵa arnalǵan mektep

Baǵdarlama aıasynda «The First Steps: oqytýshynyń quraldary, tájirıbesi jáne resýrstyq jaı-kúıi» baǵyty boıynsha jas oqy­týshylarǵa arnalǵan sessııa­lar ótkizildi. Onda sıfrlyq pedagogıka, baǵalaý júıeleri men zamanaýı oqytý ádisteme­leri men kásibı damý máseleleri qamtyldy. Baǵdarlama barysynda ǵylymı jarııalanymdar, granttyq qarjylandyrý men halyqaralyq baǵdarlamalar, zııat­kerlik menshik jáne ǵy­ly­mı zertteýlerdi kommersııa­lan­dyrýǵa arnalǵan modýlder ótti.

Aıtalyq, ǵylymı nátıje­ler­di kommer­sııalan­dyrý­ǵa ar­­nalǵan sessııada «Ǵylym qory» AQ Investısııalar jáne jańa jobalar departamentiniń dırek­­tory Aıjan Jeksembaeva kom­mersııalandyrýǵa arnalǵan grant­tyq baǵdarlamanyń talabyn tú­­sindirdi. Al PhD, salalyq sa­rap­shy Aryn Orsarıev eli­miz­degi tehnologııalardy kommer­sııa­­lan­dyrý tájirıbesi men ınves­tısııa tartý jáne bıznes-mo­­del­­derdi qalyptastyrýdaǵy prak­­­­tıkalyq keıster týraly baıandady.

Sonymen qatar halyq­ara­lyq ǵylymı yntymaqtastyqty da­my­týǵa arnalǵan sessııada «Horizon Europe», «Erasmus» ­jáne ózge de baǵdarlamalar aıasyn­da­­ǵy múm­­kindikter tanystyry­lyp, S.Toraıǵyrov ýnıversıteti­niń eýropalyq ǵylymı keńistik­ke ıntegrasııalaný baǵytyndaǵy jumysy atap ótildi. Sondaı-aq Ulttyq zııatkerlik menshik ıns­­tıtýty dırektorynyń oryn­­­basary Aıdyn Artyqova, «Clarivate» kompanııasynyń ­TMD elderi boıynsha resmı ­ókili Inesh Kenjına, «Informascope» kompanııasynyń Ortalyq Azııa­daǵy konsýltanty Rábıǵa Qojamqul óz baǵyttary boıynsha tyń aqparatpen bólisti.

Mazmundy is-shara sońyn­da qatysýshylar ǵylymı joba­lar­dy ázirleý, granttyq ótinim­der daıyndaý, zııatkerlik men­shikti qorǵaý jáne ǵylymı nátı­je­lerdi kommersııalandyrý bo­ıynsha praktıkalyq daǵ­dy­larǵa ıe boldy. Bul bas­tama jas ǵalymdardy qoldaý men ýnıversıtet ǵylymynyń básekege qabilettiligin arttyrýǵa baǵyttalǵan.

Azamat QUSAIYN