Álemdik naryqtyń tabaldyryǵyn attaý múmkindigine ıemiz

Zareta FATALIEVA, «Aq-Nek» JShS dırektory, kásipker: – Elimizdiń Dúnıejúzilik saýda uıymyna kirýi – Qazaq­­­­stannyń halyqaralyq arenaǵa tanymaldyǵyn arttyra túsedi. Al saýda, ónim óndirý jaǵynan qan­­­daı mindetterdi alǵa tartady? – Bul birneshe jyldardan beri aıtylyp júrgen másele bolǵany­men, Memleket basshysy Nursultan Nazarbaevtyń tııanaqty júrgizip otyrǵan saıasaty, berik ustanymy nátıjesinde qazir ǵana múmkin bolyp otyr. Sáýir aıyndaǵy ınaý­gýrasııada Elbasy «100 naqty qadam» baǵdarlamasyn usynyp, aldymyzǵa 5 asqaraly mindetti jaýapkershilikpen júktedi. Endi, mine, álemdik deńgeıdegi aıtýly uıymǵa múshe bolyp otyrmyz.  Rasynda, táýelsiz Qazaqstan úshin bul qýanarlyq ári quptarlyq jaǵdaı. Bir jaǵynan, ózińiz aıtqan, Qazaqstandy álemge tanyta túsýdiń joly bolsa, ekinshi jaǵynan ekonomıkalyq áleýetti arttyra túsedi. Iri uıymǵa múshe bolý tek qaǵaz júzinde qalatyn nárse emes, sondyqtan bizge onyń talaptaryna saı bolý mindeti tur. – Dúnıejúzilik saýda uıy­myna múshe bolý Qazaq­­­stan­nyń otandyq ónimderine qalaı áser etýi múmkin? – Bul – Qazaqstan úshin dúnıe­­­­­júzilik deńgeıde saýda-sattyq kókjıegi ashyldy degen sóz. Otandyq ónim óndirýshiler óz ónimderin shetke de shyǵara alady, sonymen qatar, qazaqstandyqtar ózge elderdiń dúnıeleriniń tutynýshysyna da aınala alady. Bul jaqsy, al munyń qıyndyǵy da bar. Qıyndyǵy negizinen ónim óndirýshilerge, ıaǵnı kásipkerlerge qatysty. Talǵam ósken, taýar kóp alańda bizdiń kásipkerler óz tutynýshylarynan aıyrylyp qalmaı, tıisti bıiktigin ustap turýy qajet. Ol úshin eń basty qajettilik – taýardyń sapasy men qoljetimdiligi. Sondyqtan, otandyq kásipkerler sapaly ónim óndirý arqyly ǵana álemdik básekelestikke tótep berýge daıyn bolýy kerek. Qorqýdyń, taısaqtaýdyń qajeti joq. Kúni-búginge deıin óz aıaǵynan turyp, óz ónimderine tutynýshylardy qalyptastyryp, tipti ónimderin shetelge eksporttap júrgen qazaqstandyq ónim óndirýshiler joq emes. Biz atalmysh uıymǵa múshe bolýǵa daıyndyqsyz emespiz dep oılaımyn. – Aqtaýda ózińiz basqaryp otyrǵan «Aq-Nek» jaýap­­­­­ker­shiligi shekteýli seriktestiktiń sút ónimderi keń tanymal. Atal­mysh uıymǵa enýge jeke kásip­ker retine daıynsyz ba? Báse­kelestik aýqymy úlkeıip, tuty­­­nýshylar qatary sıreı túsýi múmkin dep qoryqpaısyz ba? – Joq. Men kásipkerlik salasyna kezdeısoq kelgen adam emespin. Joǵary bilimdi tehnolog ári zańger retinde naryqtyq ekonomıkaǵa kóshken kezden bastap iske kiristim. Qazirgi tańda kásibimniń aýqymyn úlkeıtip, «Aq-Nan Mańǵystaý» nan zaýytyn, «Bereket-F» qoǵamdyq tamaqtandyrý jelisin basqaramyn. Sondaı-aq, «Aq-Nek Mańǵystaý» atty kásipornymyzda  sút, irimshik, aıran, qurt, jemisten daıyndalǵan aıran syndy birneshe sút ónimderin óndirýmen aınalysamyz.  Nan zaýyty qala turǵyndaryn nan ónimderimen tolyq qamtamasyz etýde. Sút zaýytynan jylyna 500 tonna, nan zaýytynan 400 tonnaǵa jýyq ónim tutynýshyǵa jol tartady. Al tamaqtandyrý qyzmetinde, kondıterlik jáne sút ónimderin shyǵarýda «Sáıkestik sertıfıkatyna» ıe  «Bereket-F» qyzmetkerleri básekeden qoryqpaıdy, kerisinshe ony tájirıbe shyńdaýdyń tetigi retinde qabyldaıdy. Tolyqtaı otandyq óndiris taýarlaryn, jergilikti eńbek resýrstaryn paıdalanatyndyqtan, otandyq qyzmetterdi usynýshy retinde de óz ornymyz bar. On jyldan astam ýaqyttan beri Mańǵystaý oblysynyń densaýlyq saqtaý salasy mekemelerin emdik taǵamdarmen qamtamasyz etip kelemiz. Sondaı-aq, Aqtaý qalasyndaǵy IIM ýchılıshesiniń tyńdaýshylaryn, Mańǵystaý oblysy IID bólimshelerin, «MAEK-Qazatomónerkásip» JShS qyz­metkerlerin ystyq tamaqpen qamtamasyz ete bastaǵandaryna týra on jyl tolypty. Sonymen qatar, 2006 jyldan beri Qazaqstan Respýblıkasy IIM-ge qarasty 6656-áskerı bólimi jeke quramyn, Aqtaýdaǵy Áskerı-teńiz ınstıtýty kýrsanttaryn jáne elimizdiń Qorǵanys mınıstrliginiń Batys aımaǵy boıynsha áskerı bólimderi jeke quramdaryna ystyq tamaq uıymdastyrýdy da óz mindetimizge alǵanbyz. Búgingi tańda 500-ge tarta adamdy jumyspen qamtyp otyrǵan jaıymyz bar. Aldymyzda josparlap otyrǵan iri jobalarymyz bar. Munyń bári bizdiń jumysymyzdyń sapasy men qýatyn arttyryp, Dúnıejúzilik saý­da uıymyna elimizdiń beldi múshe bolyp enýine óz úlesimizdi qosýǵa septigin tıgizetin bolady. – Rahmet. Iske sát, Zareta hanym! Áńgimelesken Gúlaıym ShYNTEMIRQYZY, «Egemen Qazaqstan».   Mańǵystaý oblysy.