«Zhibek Zholy» týrıstik poıyzy jobasynyń kezekti kezeńin naýryz aıynda bastaý josparlanyp otyr. Týrıstik poıyz Uly Jibek jolynyń tarıhı baǵytymen ótip, Almaty – Túrkistan – Samarqand – Dýshanbe – Tashkent – Almaty qalalaryn aralaıdy, dep jazady Egemen.kz.
Joba aıasynda saıahatshylar túrki áleminiń rýhanı ordasy – Túrkistan qalasyna, ıslam órkenıetiniń mańyzdy tarıhı ortalyqtarynyń biri – Samarqandqa, baı mádenı murasy bar astana – Dýshanbe qalasyna, sondaı-aq óńirdegi iri ákimshilik ári týrıstik ortalyq sanalatyn Tashkentke sapar shegedi.
Baǵdarlamada ekskýrsııalyq qyzmet kórsetý, tarıhı-mádenı mura nysandaryn aralaý jáne marshrýtqa qatysýshy elderdiń dástúrlerin tanytatyn mádenı is-sharalar ótkizý qarastyrylǵan.
Joba Týrızm jáne sport mınıstrliginiń, «Qazaqstan Temir Joly» AQ-nyń jáne «Qazaqstandyq týrızm ındýstrııasy» respýblıkalyq qaýymdastyǵynyń qoldaýymen júzege asyrylady.
Almatydan jańa týrıstik poıyzdar jolǵa shyǵady
Elimizdiń týrıstik agenttikteri usynǵan habarlandyrýǵa sáıkes týrıstik pakettiń quny:
eresekter úshin – 270-310 myń teńge;
15 jasqa deıingi balalar úshin – 210-250 myń teńge;
5 jasqa deıingi balalar úshin – 10 myń teńge (oryn men tamaqtandyrý qyzmeti usynylmaıdy).
«Sıan – Almaty» baǵyty boıynsha alǵashqy týrıstik poıyz saparǵa shyqty