Memleket basshysy Qasym-Jomart Toqaev Premer-mınıstr Narendra Modıǵa Úndistannyń Respýblıka kúnine baılanysty quttyqtaý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.
Qazaqstan Prezıdenti quttyqtaýynda Premer-mınıstrdiń dana basshylyǵynyń arqasynda Úndistan senimdi túrde alǵa qaraı qadam basyp, ekonomıkany damytýda jáne azamattardyń turmys sapasyn arttyrýda aıtarlyqtaı tabysqa jetkenin atap ótken.
Qasym-Jomart Toqaev Narendra Modıdiń memlekettik qyzmetine tabys, al dostas Úndistan halqyna baq-bereke tiledi.
Esterińizge sala keteıik, Búgin Prezıdent Bas prokýratýrada jıyn ótkizip, elimizde aýqymdy ózgerister jasalyp jatqanyn jáne aldymyzda Konstıtýsııalyq reforma júrgizý, múlde jańa saıası júıege qadam basý mindeti turǵanyn aıtty.