Qazaqstanda mektep pánderin biriktirý týraly jospar ýaqytsha toqtatyldy. Bul sheshim pedagogtermen jáne sala mamandarymen ótken talqylaýlardan keıin qabyldandy. Bul jóninde Oqý-aǵartý mınıstri Juldyz Súleımenova Úkimettegi brıfıng barysynda málimdedi, dep habarlaıdy Egemen.kz.
Eske salaıyq, 2025 jyldyń jeltoqsanynda mınıstrlik oqýshylardyń oqý júktemesin azaıtý maqsatynda birqatar pánderdi biriktirý múmkindigin qarastyrǵan edi. Atap aıtqanda, algebra men geometrııany «matematıka» pánine, fızıka, hımııa jáne bıologııany «jaratylystaný ǵylymdaryna», al dúnıejúzi tarıhy men quqyq negizderin «áleýmettik ǵylymǵa» biriktirý usynylǵan bolatyn.
Pánderdi jalań biriktirý: Qatelik qaıtalana ma?
Alaıda bul bastama jan-jaqty saralanyp, bilim berý qaýymdastyǵymen keńinen talqylanǵan soń, ázirge júzege asyrylmaıtyn boldy.
«2025 jyly alqaly jıynda úsh pándi – fızıka, hımııa, bıologııany «jaratylystaný ǵylymdaryna», algebra men geometrııany «matematıkaǵa», dúnıejúzi tarıhy men quqyq negizderin «áleýmettik ǵylymǵa» biriktirý qajet degen sheshim qabyldanǵan edi. Alaıda bul reformany toqtattyq. Biz irgeli ǵylymdar bólek oqytylýy tıis dep esepteımiz», dedi Juldyz Súleımenova.
Elimizde «pedagog-sheber» sanatyn alý jeńildeı me?
Mınıstrdiń aıtýynsha, bul másele muǵalimdermen de talqylanǵan. Pedagogter irgeli pánderdiń jeke-jeke oqytylýy oqýshylardyń bazalyq bilimin qalyptastyrýda mańyzdy ekenin atap ótken.
Osylaısha, mınıstrlik qazirgi kezeńde mektep baǵdarlamasynyń turaqtylyǵyn saqtaýǵa jáne negizgi pánderdiń mazmunyn tereńdetip oqytýǵa basymdyq berip otyr.
Pedagog mártebesi týraly zańǵa ózgerister engiziledi