PETROPAVL. 25 maýsym. Petropavldyq sportshy Iýrıı Zaharov kári qurlyq tórinen moınyna altyn alqa taǵyp, El Ánuranyn shyrqatyp qaıtty. Bul týraly oblystyq dene shynyqtyrý jáne sport basqarmasynyń mamandary habarlady.
Paýerlıftıngten dodaly jarys Latvııanyń astanasy Rıga qalasynda ótip, 32 elden kelgen 500-den astam sportshy júldelerdi sarapqa saldy. Qazaqstannyń namysyn 6 saıypqyran qorǵady.
Jerlesterimiz 6 altyn, 4 kúmis, 2 qola medaldi utyp aldy. 125 kılo salmaq dárejesinde synǵa túsken Iýrıı úsh qosyndyda 815 kılo bıiktikti baǵyndyryp, ızraıldik jáne reseılik qarsylastarynyń aldyn orap ketti. Ziltemirdi turyp 307 kılo salmaqty kóterý arqyly jeke rekordyn, otyryp 303 kılony kóterý arqyly álemdik rekordty jańartty.
О́mir Esqalı.
Derek: Soltústik Qazaqstan oblystyq dene shynyqtyrý jáne sport basqarmasy.
Sýret: egemen.kz