TARAZ. 25 maýsym. Jambyl oblysy ákiminiń ókimimen Abdaly Nuralıev oblys ákiminiń orynbasary bolyp taǵaıyndaldy. Bul týraly oblystyq ákimdiktiń baspasóz qyzmetine silteme jasaǵan egemen.kz tilshisi habarlady.
Abdaly Nuralıev 1959 jyly týǵan. 1981 jyly Jambyl jeńil jáne tamaq ónerkásibi tehnologııalyq ınstıtýtyn ınjener-mehanık mamandyǵy boıynsha bitirgen, tehnıka ǵylymdarynyń kandıdaty.
Eńbek jolyn 1981 jyly Torǵaı oblysynyń Jaqsyn elevatorynda sheber bolyp bastaǵan. 1983-1987 jyldary Chelgashınskıı elevatorynyń bas ınjeneri, 1987-1988 jyldary Derjavınskıı elevatorynyń dırektory, 1988-1989 jyldary Chelgashınskıı elevatorynyń dırektory, 1989-1996 jyldary Býrnyı astyq qabyldaý kásipornynyń dırektory, 1996-2001 jyldary «Altyn dán» AQ-nyń prezıdenti, 2001-2003 Jýaly aýdany ákiminiń orynbasary, 2003-2007 jyldary Baızaq aýdanynyń ákimi, 2007-2012 jyldary T.Rysqulov aýdanynyń ákimi qyzmetterin atqarǵan.
2012 jyldyń qyrkúıegi men 2015 jyldyń maýsymy aralyǵynda Jambyl oblysy ákimdiginiń aýyl sharýashylyǵy basqarmasynyń basshysy qyzmetin atqaryp keldi.
Oralhan Dáýit.
Derek, sýret: egemen.kz.