ASTANA. 25 maýsym. Pákstannyń ońtústiginde aptap ystyqtan qaza bolǵandar sany myńnan asty. Eldiń Karachı qalasynda ótken demalys kúnderi aýa temperatýrasy 45 gradýsqa deıin kóterilgen. Bul týraly RIA «Novostı» habarlady.
Jergilikti meteor qyzmetiniń málimetterine qaraǵanda, beısenbi kúni aýa temperatýrasy 37 gradýsqa deıin tómendegen. Sońǵy derek boıynsha Pákstannyń ońtústik aımaǵynda aptap ystyq qurbandarynyń sany myńnan asqany belgili boldy. Buǵan deıin qaza bolǵandar sany 830 dep habarlanǵan bolatyn.
Jinnah Hospital aýrýhanasy taratqan resmı aqparatqa silteme jasaǵan DPA aqparat agenttigi: «Karachı qalasynda 950-den jáne basqa da eldi mekenderde 50-den astam adam ystyqqa shydamaı mert boldy», – dep habarlady. Agenttik taratqan málimetter boıynsha, 40 myńnan astam adamǵa kún ótip ketse, 8 myńnan astamy aýrýhanaǵa jatqyzylǵan.
Dárigerler turǵyndarǵa kúnniń astynda uzaq júrmeýge, sondaı-aq, jeńil maqta kıimin kııýge keńes berýde. Sońǵy málimetterge súıensek, Pákstan bıligi aptap ystyqtan japa shekkenderge kómek kórsetý úshin 100 beket ashqan.
Elaman Qońyr.
Derek: RIA «Novostı».
Sýret: ntv.ru.