ASTANA. 25 naýryz. Qazaqstandyq bıznesmen Erbol Imanqulov Fransııanyń ońtústiginde apatqa ushyraǵan ushaqta otbasymen birge opat boldy. Bul týraly «Radıotochka» habarlady.
Qazaqstan Syrtqy ister mınıstrligi munyń aldynda 24 naýryz kúni fransýz Alpisine baryp soqqan Germanwings avıakompanııasynyń bortynda Qazaqstan Respýblıkasynyń azamattary Imanqulov Erbol Bazaralyulynyń (1965 j.t.), Esenǵalıeva Aıjan Sarymqyzynyń (1966 j.t) jáne Imanqulov Ádil Erbolulynyń (1989 j.t.) bolǵandaryn rastady.
«Budan basqa, Germanııa bıliginiń aqpary boıynsha, Qazaqstan azamaty bolýy yqtımal Bles Elena esimdi áıel de bolǵan. Qazirgi tańda tıisti organdar bul aqpardyń qanshalyqty shyndyqqa janasymdy ekenin tekserip jatyr», - delingen habarlamada.
Syrtqy ister mınıstrligi sondaı-aq qaza tapqandardyń týǵan-týystarynyń Qazaqstan Respýblıkasynyń Berlındegi konsýldyǵynyń «qyzý jelidegi» +4915208833631 (negizgi baılanys), Qazaqstan Respýblıkasynyń Ispanııadaǵy (Barselona) konsýldyǵynyń +34674482333) nómirine habarlasýlary kerek ekenin túsindiredi. Budan bólek, konsýldarmen habarlasý múmkin bolmaı qalǵan jaǵdaıda týǵan-týystardyń Syrtqy ister mınıstrligindegi kezekshi dıplomattyń +77172720111 degen telefon nómirine habarlasýlaryna bolatyndaryn eskertedi.
Anyqtama
2014 jylǵy qańtarda «Báıterek» holdıngi Qaraǵandy oblysy ákimimen memorandýmǵa qol qoıdy. Ol boıynsha taraptar «Sılısıým Kazahstan» saýyqtyrý ornynyń jumys jasaýyn qamtamasyz etýdi mindetterine aldy. Osyndaı yntymaqtastyq jónindegi kelisimge «Taý-Ken Samuryq» ınvestısııalyq qory men ulttyq kompanııasy da qol qoıdy. Ol boıynsha metall kremnıı shyǵaratyn zaýyttyń jańa basqarýshysy «Taý-Ken Temir» kompanııasy boldy. Jumystyń birinshi kezeńinde ol óndiristi qalpyna keltirýge 1,5 mlrd. teńgege jýyq qarjy salýǵa tıis-tin. Osy «Taý-Ken Temir» JShSnda Erbol Imanqulov dırektor bolatyn. Ol sondaı-aq «Sılısıým Qazaqstan» jobasyna da basshylyq jasaýshy edi. Onyń jubaıy Aıjan Esenǵalıeva «Kazsınk-Aına» JShS dırektory bolyp qyzmet atqarǵan.
Murat Aıtqoja.
Mánbe: Radıotochka.