Oqý-jattyǵýǵa alǵash ret qatysty

Almaty oblysynda «Ile» oqý-jattyǵý ortalyǵynyń bazasynda  «Dala qyrany – 2015» komandalyq-shtabtyq oqý-jattyǵýynyń 2-kezeńi qorytyndylandy. Sheteldik ókilder shetel mem­le­ketteriniń áskerı qyzmetshi­lerimen birlesken operasııalardy júrgizý kezinde is-qımyldardyń úılesimdiligin, qazaqstandyq bi­tim­ger­shilerdiń daıyndyǵynyń jo­ǵary deńgeıin atap ótti. Qazbrıg, Qazbat-1 jáne Qaz­bat-2 áskerı qyzmetshileri bi­rin­­­shi aptada sımýlıatorlarda she­shim qabyl­daý áskerı úderisin oqyp-úırendi. Bitimgershilik opera­­sııalarǵa oqyp-úıretý úshin ko­­- man­da­lyq-shtabtyq oqý-jat­ty­ǵý­­lar­dyń belsendi fa­zasy JCATS kom­pıýterlik baǵdar­la­masy qoldanyla otyryp súıe­meldendi.  Odan basqa, Qazbrıg pen Qazbat-2 shtabtary halyqaralyq qatysýshylarmen kúsheıtildi. Ekinshi kezeńde jeti memle­kettiń áskerı qyzmetshisi qatys­ty. Atap aıtqanda, Amerıka Qura­ma Shtattary, Ulybrıtanııa, Aýǵan­stan, Nepal, Qyrǵyz Respýb­lıkasy, Tájikstan Respýblıkasy jáne Túrkııa. Aýǵanstan, Nepal jáne Túrkııa áskerı qyzmetshileri bul oqý-jattyǵýǵa alǵash ret qaty­syp otyrǵanyn aıta ketý qajet. Oqý-jattyǵý barysynda BUU-nyń bitim­gershilik operasııa­laryn ótki­zý barysynda Qazbrıg jáne Qazbat shtaby jumysynyń praktıkalyq daǵdylary jetil­dirildi, áskerı-azamattyq ózara is-qımyl, taratý, kúreske qarsy taraptardy qarýsyzdandyrý jáne ymyraǵa keltirý jónindegi is-shara­lardy josparlaý kezinde bólim­shelerdi basqarý jáne baqy­laýda mashyqtary arttyryldy.  Odan basqa, «Beıbitshilik úshin seriktestik» baǵdarlamasynyń qatysýshy elderimen qazaqstandyq bitimgershilik brıgadasynyń jedel úılesimdiligi shyńdaldy. «Egemen-aqparat».