Ortalyq shtabtyń basty mindeti

Qazaqmys óziniń barlyq kásiporyndarynda eńbek qaýipsizdigi sharalaryna erekshe ekpin berdi Korporasııanyń 2012 jyly qabyldanǵan «О́nerkásiptik qaýip­sizdik jáne eńbek qorǵaý týraly» besjyldyq strategııasynda óndiriste jaraqat alý faktilerin kezeń-kezeńimen tómendetý jáne mundaı oqıǵalardy nóldik deńgeıge deıin jetkizý josparlanǵan. Bir sózben aıtqanda, 2017 jylǵa taman Qazaqmys ken-metallýrgııa óndirisin múmkindiginshe qaýipsiz etkisi keledi. Korporasııa basshylyǵy ár jyl saıyn osy maqsatqa arnap edáýir kólemde ınvestısııalar bóledi. Ol qarajat óndiristi jańǵyrtýǵa, eńbekke qaýipsiz jaǵdaı týǵyzýǵa, qazirgi zamanǵy jeke qorǵanysh quraldaryn satyp alýǵa, eńbek qorǵaýǵa qatysty túrli táýekelderdi meılinshe tómendetýge jumsalady. Alaıda, tájirıbeniń kórset­kenindeı, tipti ónerkásiptik qaýipsizdik salasyndaǵy osyndaı keń aýqymdy sharalardyń ózi jetkiliksiz eken. Balqash pen Jezqazǵan ken baıytý fabrıkalarynda jýyqta bolǵan eki qaıǵyly oqıǵa sonyń kýási. Dúrliktirgen adam faktorynan týyndaıtyn óz basyńnyń qaýipsizdigine degen enjar kózqaras korporasııa kásiporyndaryna ónerkásiptik qaýipsizdiktiń qazirgi zamanǵy ádisterin engizip otyrǵan eńbek qorǵaý salasyndaǵy mamandardyń kúsh-jigerin edáýir dárejede joqqa shyǵarady. Mine, sondyqtan da, árbir qaıǵyly oqıǵa keńinen jarııalanyp, jan-jaqty zert­telinip, Qazaqmystyń joǵary basshylyǵynyń qatysýymen ónerkásiptik qaýipsizdik jáne eńbek qorǵaý jónindegi arnaýly komıtette talqyǵa salynsa da, ázirge óndiristegi jaraqat alý oqıǵalaryn aıta qalarlyqtaı azaıtýdyń sáti túspeı keledi. Naq osy jaǵdaıǵa baılanysty óndiris jónindegi dırektor Talǵat Maǵzumov basqaratyn «Qazaqmys korporasııasy» JShS-niń ortalyq shtabyn qurý týraly sheshim qabyldandy. Oǵan tikeleı qoldan basqara otyryp kompanııanyń barlyq kásipornynda eńbek qorǵaýdy qamtamasyz etý jóninde mindet júkteldi. Mundaı shtabtar korporasııanyń barlyq fılıaldarynda jedel quryldy. Taıaýdaǵy jospar boıynsha jumysshy jınalystary keń aýqymda ótkizilip, olarda óndiristi qaýipsiz júrgizýdiń normalary men talaptaryn qatań saqtaýǵa erekshe ekpin túsirilmek. Mańyzdy mindet – qaýipsizdik tehnıkasy men eńbek qorǵaý negizderin múltiksiz saqtaý qajettigin árbir jumysshyǵa deıin jetkizý. Osy túsindirý jumystaryna áldebir sebeptermen jer astyndaǵy qazba jumystarynda nemese mys balqytý sehtarynda eńbek etýge jaramaıtyn korporasııa qyzmetkerleri tartylatyn bolady. Shtabtar munyń syrtynda, negizgi óndiristen bosap qalǵan jumysshylardy osy iske qosady. Basty maqsat – kenshi nemese balqytýshy óz jumys ornyna baryp, eńbegin bastaǵanǵa deıin, qaýipti jumys oryndaryn anyqtap, kemshilikti túzetý. Baıqalǵan eń kishkentaı aqaýdyń ózi durystalmaı, tıisti orynda jumys júrgizilmeıtin bolady. Meılinshe qaýipsiz eńbek – bul ortalyq shtab pen onyń fılıaldary jumysynyń negizgi kókeıkesti máselesi. Osy jaǵdaıǵa baılanys­ty «Qazaqmys korporasııasy» JShS bas dırektory Baqtııar Krykpyshev bylaı dep túsinikteme berdi: – Osydan úsh jyl buryn qabyl­daǵan besjyldyq strate­gııalyq baǵdarlamamen biz júrgizip jatqan óndiris qaýipsizdigin saqtaý sharalary sáıkes ekendigin, jumystyń baǵdarlama boıynsha iske asyrylyp jatqanyn atap aıtqym keledi. Qazir óndiris qaýipsizdigine jaýapkershilikti kúsheıtip, q­atań talap qoıatyn kezeń jetti dep esepteımin. Bizdiń shtabta kún­delikti atqarylyp jatqan ju­mystar jumyskerlerden qol­daý taýyp, bizge jaqyn arada, qys­qa merzimde eńbek qaýipsizdigin saq­taý salasynda maqsatty oń nátıjelerge qol jetkizýge – kor­po­rasııanyń barlyq óndiris oryndarynda jaraqattaný men oqys oqıǵalardy boldyrmaýǵa yqpal etedi dep úmit artamyn, – dedi. Qazirgi tańda kompanııa qura­mynda – on kenish, bes ken baıy­t­­ý fabrıkasy, eki mys qorytý zaýyty jáne eki kómir kenishi bar. «Qazaqmys» korporasııasy ken óndirý oryndary men ony satý deńgeıine deıin jetkizetin óndiris oryndaryn basqarady. О́tken jyly katodtyq ekvıvalentpen eseptegende alynǵan kennen 295,2 myń tonna mys óndirilgen. Sonymen qatar, Qazaqmys dúnıejúzinde kúmis óndirýden de aldyńǵy qatarda. О́tken jyly 329 tonna affınırlengen taza kúmis jáne 2946 kılogramm som altyn óndirildi. Korporasııa óndiris oshaqtary ornalasqan aımaqtarǵa qajetti elektrenergııasyn da qam­tamasyz etedi. Korporasııa qura­mynda 40 myńdaı adam eńbek etedi. Suńǵat ÁLIPBAI, «Egemen Qazaqstan».