2014 jylǵy 11 qarasha, Astana qalasy
«Ortalyq saraptaý-tekserý Komıssııasy jáne ortalyq memlekettik jáne arnaıy memlekettik muraǵattardyń saraptaý-tekserý komıssııalary týraly erejelerdi bekitý týraly» Qazaqstan Respýblıkasy Baılanys jáne aqparat mınıstriniń 2011 jylǵy 16 qarashadaǵy №348 buıryǵyna ózgerister engizý týraly
«Normatıvtik-quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 43-1-babyna sáıkes buıyramyn:
1. «Ortalyq saraptaý-tekserý komıssııasy jáne ortalyq memlekettik jáne arnaıy memlekettik muraǵattardyń saraptaý-tekserý komıssııalary týraly erejelerdi bekitý týraly» Qazaqstan Respýblıkasy Baılanys jáne aqparat mınıstriniń 2011 jylǵy 16 qarashadaǵy № 348 buıryǵyna (Normatıvtik-quqyqtyq aktilerdi memlekettik tirkeý tiziliminde № 7343 bolyp tirkelgen, «Egemen Qazaqstan» gazetinde 2012 jylǵy 20 qazandaǵy № 689-693 (27765) jarııalanǵan) mynadaı ózgerister engizilsin:
kórsetilgen buıryqpen bekitilgen Ortalyq saraptaý-tekserý komıssııasy týraly erejesinde:
1-tarmaq mynadaı redaksııada jazylsyn:
«1. Ortalyq saraptaý-tekserý komıssııasy (budan ári – OSTK) Qazaqstan Respýblıkasy Mádenıet jáne sport (budan ári – Mınıstrlik) janyndaǵy qujattardyń qundylyǵyna saraptama jasaıtyn jáne olardy Ulttyq muraǵat qorynyń quramyna engizýge (shyǵarýǵa) baılanysty ǵylymı-ádistemelik máselelerdi qarastyratyn, sonymen qatar, onyń tolyqtyrý kózderin belgileýdi júzege asyratyn konsýltatıvtik-keńesshi organ bolyp tabylady.»;
3 jáne 4-tarmaqtar mynadaı redaksııada jazylsyn:
«3. OSTK quramy Mınıstrdiń buıryǵymen bekitiledi.
4. OSTK quramyna: tóraǵa, tóraǵanyń orynbasary, hatshy jáne Mınıstrliktiń, memlekettik, arnaıy memlekettik, ortalyq jáne jergilikti atqarýshy organdardyń mamandarynan, ǵylym, oqý uıymdardyń ókilderi OSTK músheleri bolyp kiredi;
1) OSTK tóraǵasy bolyp Mınıstrliktiń jetekshilik etetin vıse-mınıstri tabylady.
OSTK tóraǵasynyń orynbasary Mınıstrliktiń qurylymdyq bólimsheleri basshylarynyń quramynan taǵaıyndalady;
2) OSTK hatshysy Departamenttiń qurylymdyq bólimsheleriniń qatarynan taǵaıyndalady, OSTK qarastyrylatyn máselelerdi daıyndaýdy qamtamasyz etedi.»;
9-tarmaq mynadaı redaksııada jazylsyn:
«9. Muraǵat isi jáne qujattama departamenti OSTK jumys organy bolyp tabylady.».
13-tarmaq mynadaı redaksııada jazylsyn:
«13. OSTK sheshimderi ashyq daýys berý arqyly qabyldanady jáne eger olarǵa OSTK músheleriniń jalpy sanynan kópshilik daýys berilse, qabyldanǵan bolyp esepteledi. Daýystar teń bolǵan jadǵdaıda tóraǵa daýys bergen sheshim qabyldanǵan bolyp esepteledi. OSTK músheleriniń erekshe pikir bildirýge quqyǵy bar, eger ony bildirse, ol OSTK hattamasyna qosymsha retinde jazbasha túrde berilýi qajet.
OSTK sheshimderi Mınıstr bekitken hattamamen rásimdeledi.»
2. Qazaqstan Respýblıkasy Mádenıet jáne sport mınıstrliginiń Muraǵat isi jáne qujattama departamenti:
1) osy buıryqty Qazaqstan Respýblıkasy Ádilet mınıstrliginde bekitilgen zańnamaǵa sáıkes memlekettik tirkelýin;
2) osy buıryqtyń memlekettik tirkelýinen keıin on kúntizbelik kúnniń ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaý úshin joldaýdy;
3) osy buıryqtyń Qazaqstan Respýblıkasy Mádenıet sport mınıstrliginiń ınternet-resýrsynda ornalastyrýyn qamtamasyz etsin.
3. Osy buıryq alǵash resmı jarııalanǵan kúninen bastap qoldanysqa engiziledi.
Mınıstr A.MUHAMEDIULY.
Buıryq Qazaqstan Respýblıkasynyń Ádilet mınıstrliginde 2014 jylǵy 8 jeltoqsanda Normatıvtik-quqyqtyq kesimderdi memlekettik tirkeýdiń tizilimine №9937 bolyp engizildi.