Túıindi máseleler talqylandy

Almatyda aýdandyq onkologtar men mammologtardyń II respýblıkalyq semınar-keńesi ótti. Elimizdiń túkpir-túkpirinen 330 delegat qatysqan alqaly jıynda 14 oblys pen Almaty, Astana qalalarynyń densaýlyq saqtaý basqarmalarynyń ókilderi, onkologııalyq dıspanser dárigerleri bas qosyp, onkoqyzmetti jetildirý joldaryn qarastyryp, otandyq densaýlyq salasynyń mańyzdy máselelerin talqylady.

Aldymen jıynǵa kelgen ma­mandardy Parlament Máji­lisiniń depýtaty Aıtkúl Sama­qova qut­tyqtap, basqosýdyń mańyz­dy­lyǵyn atap ótti. «Otandyq onko­logııa jyl saıyn damyp keledi. Qaterli isikpen kúreste onko­logtar men mammologtardyń qyz­­meti asa mańyzdy. Sondyqtan jumystaryńyzǵa tabys tileı­min», – dedi ol.

Bul jolǵy semınarda negizinen bes másele kún tártibine qoıyldy. Olar – onkologııalyq qyzmet pen ambýlatorlyq-emhanalyq uıymdar qyzmetin biriktirý, onkologııalyq, mammologııalyq, erler jáne áıel­derdi qaraý bó­limderiniń jumy­syn jandan­dyrý, 65 jáne odan joǵary jas­taǵylar arasynda qaterli isikti erte satysynda anyqtaý úshin skrınıngtik jáne obyrdyń aldyn alý baǵdarlamalaryn júzege asyrý, onkologııalyq qyzmet salasyna monıtorıng jáne ba­ǵalaý júıesin engizý, qaterli dertke shaldyqqan naýqastarǵa medısınalyq-áleý­mettik qyzmet kórsetý. Jalpy búgingi tańda 2012-2016 jyldarǵa arnalǵan QR on­­ko­logııalyq kómekti jetil­dirý baǵdarlamasy aıasynda 101 on­kologııalyq, 273 mam­mo­logııalyq, 18 proktologııalyq bólim ashylyp, jumys jasaýda. Sonymen qatar, kún tártibinde bul bólimderdiń jumysyn jandandyryp, qaterli isiktiń aldyn alý men ony erte satysynda anyqtaý da mańyzdy orynǵa ıe. Elimizde aýdandyq onkologtar sany 350-ge (2011j. – 263), al mammologtar 207-ge (2013 j. – 166) deıin artty. Resmı málimetke súıensek, 2015 jyldyń 6 aıynda 17 130 qaterli isikke shaldyqqan naýqas tirkelse, onyń 55,4 paıyzy I-II satysyndaǵylar. Obyr dertiniń kórsetkishi Soltústik, Shyǵys Qazaqstan men Pavlodar obly­synda basqalarǵa qaraǵanda joǵary. – Búgingi semınarda aýdandyq onkologtar men mammologtarǵa 2016-2020 jyldarǵa arnalǵan baǵdar­lamanyń baǵyttaryn tú­sin­dirip, ózara pikir almasýdy negizgi orynǵa qoıdyq, – dedi jýrnalısterge bergen suhbatynda Qazaq onkologııa jáne radıologııa ǴZI dırektory Qýanysh Nurǵazıev. – Al olar ár aýdanda halyqpen túsindirý jumystaryn júr­gizetin bolady. Oǵan qosa, ár adamnyń densaýlyǵyna degen jaýapkershiligin kóterý sharalaryn damytady. Sonymen qatar, jańa tehnologııalar engi­zý úrdisin damytý úshin qyzmet­kerlerge sheberlik synyptaryn uıymdastyrý da basty nazarymyzda. Sondaı-aq, forýmda Den­­saýlyq saqtaý jáne áleý­met­tik damý mınıstrliginiń medı­sınalyq kómekti uıymdas­tyrý depar­ta­menti dırektory Gúlnár Qulqaeva aýdandyq mamandardy jınap otyrǵandaǵy maqsattary onkoaýrýlar boıyn­sha ólim-jitim kórsetkishin azaıtý ekendigin, tilge tıek ete kelip, bizge dál osy jolda aýdandyq mamandardyń kómegi asa qajettigin, ásirese, alǵashqy kómek kórsetý qyz­metinde de olardyń eń­begi orasan zor eken­digin atap ótti. Semınar sońynda elimizdegi onkoqyzmetti arttyrýǵa úles qosqan aýdandyq onkologtar men mammologtar marapattaldy.

Gúlzeınep SÁDIRQYZY, «Egemen Qazaqstan».