2014 jylǵy 14 qazan, Astana qalasy
«Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti» memlekettik mekemesiniń erejesin bekitý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasynyń Zańynyń 29-baby 1-tarmaǵy 6) tarmaqshasyna jáne Qazaqstan Respýblıkasynyń Úkimetiniń 2014 jylǵy 30 qyrkúıektegi № 1003 qaýlysymen bekitilgen Qazaqstan Respýblıkasynyń Mádenıet jáne sport mınıstrligi týraly erejesine sáıkes buıyramyn:
1. Qosa berilip otyrǵan «Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti» memlekettik mekemesiniń erejesi bekitilsin.
2. Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń memlekettik tirkeýden ótkennen keıin on kúntizbelik kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn;
3) osy buıryqtyń Qazaqstan Respýblıkasy Mádenıet jáne sport mınıstrliginiń ınternet-resýrsynda resmı jarııalanǵannan keıin ornalastyrýdy qamtamasyz etsin.
3. «Qazaqstan Respýblıkasy Mádenıet mınıstrliginiń Til komıteti memlekettik mekemeniń Erejesin bekitý týraly» Qazaqstan Respýblıkasy Mádenıet mınıstriniń mindetin atqarýshynyń 2014 jylǵy 19 mamyrdaǵy № 41 buıryǵynyń (Normatıvtik quqyqtyq kesimderiniń memlekettik tiziliminde №9474 tirkelgen, «Ádilet» AQJ 2014 jylǵy 29 mamyrda resmı jarııalanǵan) kúshi joıyldy dep tanylsyn.
4. Osy buıryqtyń oryndalýyn baqylaý Qazaqstan Respýblıkasynyń Mádenıet jáne sport vıse-mınıstri M.A. Ázilhanovqa júktelsin.
5. Osy buıryq alǵashqy resmı jarııalanǵan kúninen bastap qoldanysqa engiziledi.
Mınıstr A.MUHAMEDIULY.
Qazaqstan Respýblıkasy Mádenıet jáne sport mınıstrliginiń
2014 jylǵy 14 qazandaǵy №36 buıryǵymen bekitilgen
«Qazaqstan Respýblıkasy Mádenıet jáne sport mınıstrliginiń
Tilderdi damytý jáne qoǵamdyq-saıası jumys komıteti» memlekettik mekemesiniń erejesi
1. Jalpy erejeler
1. Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti (budan ári – Komıtet) ózine júktelgen fýnksııalardy iske asyratyn Qazaqstan Respýblıkasy Mádenıet jáne sport mınıstrliginiń (budan ári – Mınıstrlik) vedomstvosy bolyp tabylady.
2. Komıtet óz qyzmetin Qazaqstan Respýblıkasynyń Konstıtýsııasyna, Qazaqstan Respýblıkasynyń zańdaryna, Prezıdenttiń jáne Qazaqstan Respýblıkasy Úkimetiniń aktilerine, ishki normatıvtik qujattarǵa, ózge de normatıvtik quqyqtyq aktilerge, sondaı-aq osy Erejege sáıkes júzege asyrady.
3. Komıtet memlekettik mekemeniń uıymdastyrýshylyq-quqyqtyq nysanyndaǵy zańdy tulǵa bolyp tabylady, oqshaýlanǵan múlki, memlekettik tilde óz ataýy jazylǵan móri men mórtabandary, belgilengen úlgide blankileri, sondaı-aq zańdarǵa sáıkes qazynashylyq organdarynda esep shottary bolady.
4. Komıtet azamattyq-quqyqtyq qatynastarǵa óz atynan túsedi.
5. Komıtettiń, eger oǵan zańdarǵa sáıkes ýákilettigi bolsa, memlekettiń atynan azamattyq-quqyqtyq qatynastardyń taraby bolady.
6. Komıtet óz quzyretindegi máseleler boıynsha zańdarda belgilengen tártippen Tóraǵanyń nemese onyń mindetin atqarýshy tulǵanyń buıryqtarymen resimdeletin sheshimder qabyldaıdy.
7. Komıtettiń qurylymy men shtat sanyn Qazaqstan Respýblıkasy Mádenıet jáne sport mınıstriniń kelisimimen Mınıstrliktiń jaýapty hatshysy bekitedi.
8. Komıtettiń zańdy meken-jaıy: 010000, Astana qalasy, Esil aýdany, Orynbor kóshesi, 8-úı, «Mınıstrlikter úıi» ǵımaraty, 15-kireberis.
9. Komıtettiń tolyq ataýy: «Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti» memlekettik mekemesi.
10. Osy Ereje Komıtettiń quryltaı qujaty bolyp tabylady.
11. Komıtettiń qyzmetin qarjylandyrý respýblıkalyq bıýdjetten júzege asyrylady.
12. Komıtetke óziniń fýnksııasy bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge jol berilmeıdi.
13. Eger Komıtetke Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqy berilse, onda mundaı qyzmetten túsken kirister bıýdjetke joldanady.
2. Komıtettiń negizgi mindetteri, fýnksııalary, quqyqtary men mindetteri
14. Mindetteri:
1) tilderdi damytý salasyndaǵy memlekettik saıasatty iske asyrý jáne memlekettik baqylaýdy júzege asyrý;
2) Qazaqstan Respýblıkasyndaǵy qoǵamdyq kelisimdi, ishki saıası turaqtylyqty nyǵaıtý, memlekettik rámizderdi paıdalaný salasyndaǵy memlekettik organdardyń qyzmetin úılestirý;
3) Komıtetke júktelgen ózge de mindetter.
15. Fýnksııalary:
1) tıisti salalarda normatıvtik quqyqtyq aktilerdi, sondaı-aq kelisimderdi, memorandýmdardy jáne kelisimsharttardy ázirleý;
2) Qazaqstan Respýblıkasynda memlekettik tildi barynsha damytýdy, onyń halyqaralyq bedelin nyǵaıtýdy qamtamasyz etý;
3) Qazaqstan Respýblıkasynyń Úkimeti janyndaǵy memlekettik til saıasatyn odan ári jetildirý, respýblıkalyq termınologııalyq jáne onomastıkalyq komıssııalardyń qyzmetin qamtamasyz etý;
4) ortalyq jáne oblystardyń, respýblıkalyq mańyzy bar qalalardyń, astananyń jergilikti atqarýshy organdarynda Qazaqstan Respýblıkasynyń til týraly zańnamasynyń saqtalýyn baqylaý;
5) Qazaqstan Respýblıkasynyń til týraly zańnamasynda belgilengen talaptardyń buzylýyn joıý týraly usynymdar berý;
6) tıisti organdarǵa Qazaqstan Respýblıkasynyń til týraly zańnamasynyń buzylýyna kináli laýazymdy adamdarǵa tártiptik jazalaý sharalaryn qoldaný týraly usynystar engizý;
7) tilderdi damytý salasyndaǵy biryńǵaı memlekettik saıasatty iske asyrý jónindegi qyzmettiń aqparattyq, ádistemelik qamtamasyz etilýin uıymdastyrý;
8) memlekettik jáne salalyq (sektoraldyq) baǵdarlamalardy iske asyrý jónindegi qoǵamdyq uıymdarmen ózara is-qımyldardy júzege asyrý;
9) tilderdi damytý, ishki saıası turaqtylyqty, qoǵamdyq kelisimdi nyǵaıtýǵa baǵyttalǵan halyqaralyq, respýblıkalyq jáne ózge de is-sharalar, aksııalar men konkýrstar ótkizý;
10) memlekettik organdardyń memlekettik áleýmettik tapsyrysty qalyptastyrý jáne iske asyrý jónindegi qyzmetin úılestirýdi júzege asyrý;
11) memlekettik áleýmettik tapsyrysty qalyptastyratyn jáne iske asyratyn memlekettik organdarǵa aqparattyq, konsýltasııalyq, ádistemelik qoldaý kórsetý;
12) memlekettik áleýmettik tapsyrysty iske asyrý monıtorıngin júzege asyrý;
13) Qazaqstan Respýblıkasynyń Úkimetine memlekettik áleýmettik tapsyrysty iske asyrý monıtorınginiń qorytyndylary boıynsha aqparat berý;
14) Memlekettik áleýmettik tapsyrystyń ónim berýshiler tizilimin júrgizýdi júzege asyrý;
15) memlekettik áleýmettik tapsyrys salasyndaǵy elektrondyq aqparattyq resýrstardy qurý jáne olardyń jumys isteýin qamtamasyz etý, Qazaqstan Respýblıkasynyń zańnamasyna sáıkes jeke jáne zańdy tulǵalardyń olarǵa qol jetkizýin uıymdastyrý;
16) ulttyq standarttarǵa sáıkes kelmeıtin Qazaqstan Respýblıkasynyń Memlekettik Týyn, Memlekettik Eltańbasyn aýystyrý jáne joıý qaǵıdalaryn ázirleý;
17) Qazaqstan Respýblıkasynyń Memlekettik Týyn, Memlekettik Eltańbasyn jáne olardyń beınelerin, sondaı-aq Qazaqstan Respýblıkasynyń Memlekettik Ánuranynyń mátinin ornalastyrý jáne paıdalaný qaǵıdalaryn ázirleý;
18) onomastıkalyq komıssııasynyń jumysyn úılestirý;
19) respýblıkalyq bıýdjettik baǵdarlamalardy iske asyrý;
20) memlekettik satyp alý salasyndaǵy qyzmetti júzege asyrý;
21) úkimettik emes uıymdarmen ózara áreket jasaý;
22) Qazaqstan Respýblıkasy Prezıdenti janyndaǵy Memlekettik rámizder jónindegi respýblıkalyq komıssııanyń jumysyn, Qazaqstan Respýblıkasynyń Úkimeti janyndaǵy Úkimettik emes uıymdarmen ózara áreket jónindegi úılestirý keńesiniń qyzmetterin qamtamasyz etý;
23) Qazaqstan halqy Assambleıasynda otyrys ótkizýdi uıymdastyrýǵa qatysý;
24) qoǵamdyq-saıası ahýal jóninde jergilikti atqarýshy organdarmen ózara áreket, ishki saıasat salasyndaǵy negizgi baǵyttar boıynsha aqparattyq-taldaý materıaldaryn daıyndaý;
25) Komıtet quzyretine jatatyn máseleler boıynsha túsindirý jumystaryn júzege asyrýdy qamtamasyz etý;
26) Komıtet quzyretine jatatyn máseleler boıynsha aqparattyq-nasıhattaý is-sharalaryn júzege asyrý;
27) Komıtet quzyretine jatatyn máseleler boıynsha strategııalyq jáne baǵdarlamalyq qujattardy ázirleýge qatysý;
28) zańnamada belgilengen sharttarda jáne tártipte ákimshilik quqyq buzýshylyqtar týraly hattamalardy jasaý;
29) Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Úkimetiniń aktilerinde kózdelgen ózge de fýnksııalardy júzege asyrý.
16. Quqyqtary men mindetteri:
1) óz quzyreti sheginde quqyqtyq aktilerdi qabyldaý;
2) memlekettik organdardan, uıymdardan, olardyń laýazymdy adamdarynan zańnamada belgilengen tártippen qajetti aqparatty jáne materıaldy suratý jáne alý;
3) Qazaqstan Respýblıkasynyń zańnamasyn saqtaý;
4) Komıtettiń janynan konsýltatıvtik-keńesshi organdardy qurý;
5) Komıtettiń quzyreti sheginde konkýrstardy, festıvaldardy, konferensııalardy, semınarlar jáne basqa is-sharalardy uyımdastyrý jáne ótkizý;
6) tilderdi jáne qoǵamdyq-saıası jumysty damytýǵa eńbegin sińirgen tulǵalardy memlekettik nagradalarǵa usynýǵa usynys engizý;
7) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrý.
3. Komıtettiń qyzmetin uıymdastyrý
17. Komıtetti Qazaqstan Respýblıkasynyń zańdarymen belgilengen tártipke sáıkes Qazaqstan Respýblıkasy Mádenıet jáne sport mınıstri qyzmetke taǵaıyndaıtyn jáne qyzmetten bosatatyn Tóraǵa basqarady.
18. Komıtet tóraǵasynyń Qazaqstan Respýblıkasy zańnamasyna sáıkes jaýapty hatshy qyzmetke taǵaıyndaıtyn jáne qyzmetten bosatatyn úsh orynbasary bolady.
19. Komıtet tóraǵasy Komıtetke basshylyq etýdi júzege asyrady, Komıtetke júktelgen mindetterdiń oryndalýy men onyń óz fýnksııalaryn júzege asyrýy úshin derbes jaýapty bolady.
20. Komıtet tóraǵasy:
1) óziniń orynbasarlarynyń mindetteri men ókilettilikterin anyqtaıdy; 2) Komıtettiń qurylymdyq bólimsheleri erejesin bekitedi;
3) Komıtettiń tóraǵa orynbasarlarynan basqa, Komıtet qyzmetkerlerin qyzmetke taǵaıyndaıdy jáne qyzmetten bosatady;
4) Komıtettiń tóraǵa orynbasarlarynan basqa, Komıtet qyzmetkerleriniń issapar, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, yntalandyrý, ústemaqylar tóleý jáne syıaqy berý, sondaı-aq tártiptik jaýapkershiligi máselelerin sheshedi.
5) óz quzyreti sheńberinde Komıtettiń buıryqtaryna qol qoıady;
6) memlekettik organdarda jáne ózge de uıymdarda tıisti zańnamaǵa sáıkes Komıtet ókili bolady;
7) Komıtette sybaılas jemqorlyqqa qarsy áreketke baǵyttalǵan sharalar qabyldaıdy jáne sybaılas jemqorlyqqa qarsy qabyldanǵan sharalarǵa derbes jaýapty bolady;
8) tilderdi damytý men qoǵamdyq-saıası jumystarǵa belsene qatysqan tulǵalarǵa qurmet gramotalaryn jáne alǵys hattardy berý jónindegi máselelerdi sheshedi;
9) óz quzireti sheńberinde basqa da máseleler boıynsha sheshim qabyldaıdy.
21. Tóraǵa jumysta bolmaǵan jaǵdaıda Komıtet qyzmetiniń jalpy basshylyǵy men Komıtetke júktelgen mindetterdi oryndaýǵa jáne onyń óz fýnksııalaryn iske asyrýǵa derbes jaýapkershilikte bolý Tóraǵa orynbasarlarynyń birine júkteledi.
22. Komıtettiń konsýltasııalyq keńesshi organ bolyp tabylatyn alqasy bolýy múmkin. Alqanyń sandyq jáne jeke quramyn Tóraǵa bekitedi.
23. Komıtet qyzmetin uıymdastyrý boıynsha basqa da máseleler Qazaqstan Respýblıkasy normatıvtik quqyqtyq aktiler, Mınıstrlik jáne Komıtettiń buıryqtarymen retteledi.
4. Komıtettiń múlki
24. Komıtettiń jedel basqarý quqyǵyndaǵy oqshaýlanǵan múlki bolady.
Komıtet múlki oǵan memleket bergen múliktiń esebinen qalyptasady, sondaı-aq quny Komıtettiń teńgeriminde kórsetiletin ózge de múlikterden turady.
25. Komıtetke bekitilip berilgen múlik respýblıkalyq menshikke jatady.
26. Komıtettiń ózine bekitilgen múlikti, Qazaqstan Respýblıkasy zańdarynda ózgeshe belgilenbese, óz betimen ıelikten shyǵarýǵa nemese oǵan basqa da jolmen bılik etýine jol berilmeıdi.
5. Komıtetti qaıta uıymdastyrý jáne taratý
27. Komıtetti qaıta uıymdastyrý jáne taratý Qazaqstan Respýblıkasynyń zańnamalaryna sáıkes júzege asyrylady.
Buıryq Qazaqstan Respýblıkasynyń Ádilet mınıstrliginde 2014 jylǵy 17 qazanda Normatıvtik quqyqtyq kesimderdi memlekettik tirkeýdiń tizilimine №9807 bolyp engizildi.