PETROPAVL. 13 mamyr. Oblystyq máslıhattyń HHHV sessııasynda depýtattar birqatar kóshelerdi memlekettik tilde ataý jóninde sheshim aldy. Bul týraly Soltústik Qazaqstan oblystyq máslıhatynyń mamandary habarlady.
Budan bylaı Iýbıleınyı kóshesi Keńes Odaǵynyń Batyry Jálel Qızatov atyndaǵy kóshe bolyp atalady.Ábý Dosmuhambetov qysqa kóshesine Keńes Odaǵynyń Batyry Ysqaq Ybyraevtyń, «Solnechnyı» yqshamaýdanyndaǵy jańa kóshege belgili memleket qaıratkeri Fazyl Káribjanovtyń esimderi berildi. Rıga kóshesinen A.Pýshkın kóshesine deıingi bóligi bir kezderi Petropavl qalalyq partııa komıtetin basqarǵan qoǵam qaıratkeri Taýfık Muhamedrahımovtyń atyn ıelendi.
Sessııada Býlaevo qalasyndaǵy № 4 orta mektepke aıtysker aqyn Erik Asqarovtyń, Shal aqyn aýdanyndaǵy Prııshımka orta mektebine jazýshy Zeınel-Ǵabı Imanbaevtyń, Taıynsha aýdanyndaǵy Qaraǵash orta mektebine belgili aqyn Jaqan Syzdyqovtyń, Ýálıhanov aýdandyq mádenıet úıine tanymal qalamger Sáken Júnisovtyń, Jambyl aýdanyndaǵy Blagoveshenka mektebine akademık-ǵalym Marat Kenjeǵojınnyń, Shahovskoe mektebine Uly Otan soǵysynyń ardageri Májıt Qasenovtyń, Petropavl qalasyndaǵy qyzmet kórsetý salasy kolledjine Keńes Odaǵynyń Batyry Eskendir Dáýitovtyń esimderin berý týraly usynystar da biraýyzdan qoldaý tapty.
О́mir Esqalı.
Derek: Soltústik Qazaqstan oblystyq máslıhaty.
Sýret: voxpopuli.kz