PETROPAVL. 13 mamyr. Reseıdiń Máskeý qalasynda jasóspirimder men qyzdar arasynda kekýshınkaı karateden ótken VIII Eýropa ashyq chempıonatyna Soltústik Qazaqstan oblysynan 9 sportshy qatysyp, 2 altyn, 2 kúmis, 1 qola medalmen oraldy. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Máskeý tórine 14 elden 300-ge jýyq jas karateshiler jınaldy. Olardyń arasynan 40 kılo salmaqqa deıin synǵa túsken Alısher Avdonın top jardy. 55 kılo salmaq dárejesine deıingi jekpe-jekte Ádilbek Moldaǵalıev te eshkimge des bermedi.
Altynbek Ánýarbekov (50 kg.) pen Rodıon Razýmov (55 kg.) ekinshi oryndy ıelendi. 16-17 jas qyzdar arasynda kúresken Aleksandra Janǵazına (55 kg.) úshinshi oryndy ıelendi.
О́mir Esqalı.
Derek, sýretter: Soltústik Qazaqstan oblystyq dene shynyqtyrý jáne sport basqarmasy.