QARAǴANDY. 14 tamyz. Qaraǵandy oblysyndaǵy Temirtaý qalasynda páterdiń tóbesi qulap, apatty kireberistiń turǵyndary qaýipsiz jerge kóshirildi. Bul týraly inform.kz habarlady.
Shkolnaıa kóshesinde ornalasqan eki qabatty úıdiń salynǵanyna 70 jyl bolypty. Ǵımarattyń ekinshi qabaty men shatyry arasyndaǵy tozyǵy jetken jabyny qulap túsken. Abyroı bolǵanda qaza tapqandar joq.
Aıta keteıik, eki kireberisti úıde 16 páter bar. Qazirgi tańda mundaǵy otbasylardyń teń jartysy ýaqytsha týǵan-týystarynyń úıine ornalastyryldy. Al ekinshi kireberistiń turǵyndary óz úılerinde turyp jatyr.
Qala basshylyǵy másele qysqa deıin sheshimin tabady dep málimdedi.
Qaırat Ábildınov.
Derek, sýret: inform.kz.