QOSTANAI. 14 tamyz. Qostanaı oblysynyń Meńdiǵara aýdanyndaǵy «Qarqyn» sharýashylyǵynda Moldova agronomdary tájirıbe-synaq ótkizdi. Olar sharýashylyqta maıly daqyldardy úshinshi jyl býdandastyryp ósirdi. Maıly daqyl sorttaryn bizdiń aýa raıynda ósirýdi basty maqsat tutyp otyr. Bul týraly egemen.kz tilshisi habarlady.
Valentın Besarab kúnbaǵystyń Meńdiǵara jerinde jersinýin muqııat zerttep júr. Moldovada ósetin kúnbaǵys sorty Qostanaı oblysynda jaqsy túsim berse, ol úlken paıdanyń kózine aınalar edi. Bıyl úshinshi jyl synalǵan daqyldyń jaqsy nátıjesi de bar.
Maıly daqyldyń bul túrin egýge «Qarqyn» jaýapkershiligi shekteýli serikestiginiń dırektory Saıran Buqanov arnaıy alqap bólgen bolatyn. Qazaqstannyń Eńbek Eri Saıran Buqanov: «Sońǵy jyldary tek ǵana bıdaı ósirý durys bolmaıtynyna kózim jetti. Sharýashylyqta bıdaıdyń tıimdiligi 10, kúnbaǵystyń tıimdiligi 20 paıyz bolyp otyr», – dedi.
Bıyl Saıran Bálkenuly maıly daqyldyń kólemin 30 paıyzǵa kóbeıtti. Dıqan alqapty jyl saıyn kóbeıtedi. Maıly daqyldyń alqaby aýdannyń basqa sharýashylyqtarynda da keńeıip keledi. Bıyl ol barlyq alqaptyń 16 paıyzyna jetti, al osydan birneshe jyl buryn ol 10 paıyzy da bolmaıtyn.
Aýdan ákimi Vıktor Ionenko: «Memleket tarapynan jasalyp otyrǵan kómek –sýbsıdııa. Bıdaı úshin gektaryna 300 teńge berse, al maıly daqyldyń gektaryna 7 -11 myń teńge beredi. Birińǵaı daqylmen qalyp qoımaýdy oılastyryp otyrmyz, aýylsharýashylyǵynyń damýy osyǵan baılanysty bolady», – dedi.
Názıra Járimbetova.
Derek, sýret: egemen.kz.