PETROPAVL. 26 maýsym. Aıyrtaý aýdanynda óńirlik úılestirý keńesiniń kóshpeli otyrysy ótip, týrızm salasyn damytý, demalýshylarǵa qalypty jaǵdaı jasaý máseleleri talqylandy. Bul týraly oblystyq kásipkerlik jáne týrızm basqarmasynyń mamandary habarlady.
Oblys ákiminiń orynbasary Erlan Áýkenov bul baǵyt boıynsha úshjyldyq damytý jospary jasalǵanyn, oǵan engizilgen 89 sharanyń 16-sy oryndalǵanyn jetkizdi.
Aıyrtaý aýdanynyń ákimi Aǵzam Tastemirovtyń aıtýynsha, 34 demalys aımaǵy jumys isteıdi. Tabıǵaty tamasha jerlerge saıahattaý úshin 12 baǵdar jasalǵan. Byltyr táýligine 45 adamǵa deıin qabyldaıtyn buǵy múıizimen emdeý orny iske qosylyp, 30 maral ákelingen. 48 jazǵy shaǵyn úıin turǵyzýǵa 65,5 mıllıon teńge jumsalǵan. Aldaǵy ýaqytta Astana-Volodar baǵytynda elektr poıyzy qatynasyn ashý, gıdter úshin sheberlik synyptaryn uıymdastyrý josparlanǵan.
Erlan Muratuly jınalǵandardy týrıstik maýsymnyń ashylý saltanatymen quttyqtap, jol jaıyna erekshe nazar aýdarýdy tapsyrdy.
Qonaqtar nazaryna sýret kórmesi, qazaq halqynyń ulttyq kıimderi men ydys-aıaqtary, batyrlardyń qarý-jaraqtary usynyldy. Aq shańqan kıiz úıler tigilip, ulttyq oıyndar tamashalandy.
О́mir Esqalı.
Derek, sýret: Soltústik Qazaqstan oblystyq kásipkerlik jáne týrızm basqarmasy.