ALMATY. 14 tamyz. Taýsamalyndaǵy sýtasıtyn avtokóliktiń apatynan ekinshi áıel qaza tapty. Bul týraly zakon.kz habarlady.
Apat ornynda júrgen Almaty qalalyq ishki ister departamentiniń qyzmetkerleri naqty málimetti búgin taratýy tıis. Dál qazirge belgili bolǵany – jol jıeginde kele jatqan áıel qolyndaǵy besik arbany ıterip úlgergen. Segiz aılyq sábı aman. Al sábıdiń anasy aýrýhana esigine jetip, kóz jumdy.
Taǵy bir tyń derek, áıel kólik soǵyp qulatqan baǵannyń elektr togyna túsken deıdi.
Eske sala keteıik, keshe – Taýsamaly shaǵyn aýdanyndaǵy taý jolynan tómen túsip kele jatqan sý tasyǵysh avtokólik toqtaı almaı, qarsy bettegi BMW jeńil kóligine soqtyǵysady. Ol da tejeý bolmaǵan aýyr avtokólik jol jıegindegi baǵanǵa urynyp aýdarylady. Osy tusta jaıaý júrginshi jolymen ketip bara jatqan bir turǵyn kóliktiń astynda qalyp, qaza tapty. Eki júrginshi aýyr halde aýrýhanaǵa jetkizilgen.
Talǵat Súıinbaı.
Derek, sýret: zakon.kz.